ТОВЧХОН

Үндэсний эрх чөлөөний хувьсгалын 100 жил, Монгол Улсын орчин үеийн дипломат албаны 100 жилийн ойд зориулсан “Дэлхийн монгол туургатны энхийн их наадам” 2011 оны 8 дугаар сарын 24-27-ны өдрүүдэд Улаанбаатар хотод болно.

Үүнтэй холбогдуулан Монгол Улсын Засгийн газар 2011 оны 7 дугаар сарын 20-ний өдөр 239 тоот тогтоол гаргаж, “Дэлхийн монгол туургатны энхийн их наадам”-ыг зохион байгуулах хороог Гадаад харилцааны сайд Г.Занданшатараар ахлуулан байгуулжээ.

Тус хорооны орлогч даргаар “Дэлхийн Монголчуудын чуулган”-ы ерөнхийлөгч Ц.Гомбосүрэн, ШУА-ийн ерөнхийлөгч Б.Энхтүвшин, ерөнхий зохицуулагчаар Энхтайван, найрамдлын төлөө холбооны ерөнхийлөгч Д.Цахилгаан, нарийн бичгийн даргаар ГХЯ-ны ТЗУГ-ын захирал Б.Баярсайхан нар ажиллана.

Тус наадмын үеэр олон улсын эрдэм шинжилгээний хурал, монгол туургатны үндэсний хувцасны үзүүлбэр, уран зураг, түүх, соёлын үзэсгэлэн, бөхийн барилдаан, сур харваа, концерт, үдэшлэг зэрэг олон төрлийн арга хэмжээг зохион байгуулах юм. Наадамд Буриад,Тува, Халимаг, Өвөр Монгол, Шинжаан Уйгар зэрэг ОХУ, БНХАУ-ын Бүгд найрамдах улс, муж, өөртөө засах орны болон бусад улсын төлөөлөгчид уригджээ.

Энэхүү энхийн их наадам нь Монгол Улсын орчин үеийн дипломат албаны 100 жилийн ойд зориулсан томоохон ажил, арга хэмжээний нэг юм.

Эх сурвалж
Vip76.mn

Дэлхийн Монгол туургатны энхийн их наадам болно