Засгийн газрын гишүүнд өнгерсөн баасан гаригт аймгуудын Засаг дарга нартай хамтарч ажиллах гэрээ байгуулах санамж бичигт гарын үсэг зурсан билээ. Тэр үеэр Хүн амын хөгжил, нийгмийн хамгааллын сайд С.Эрдэнэ "Манай яамныхан өнгөрсөн долоо хоногт Архангай, Булган, Сэлэнгэ аймгуудад томилолттой ажиллаад ирлээ. Зудтай байгаа үед малдаа анхаарал хандуулах нь зүйн хэрэг ч гэлээ суулийн үед хүнээ гэх сэтгэл нэлээд дутагдах болж.

Тухайлбал, зуд зурхантай байгаа газарт өвөлжиж байгаа хүмүүс эмнэлгийн тусламж авч чадахгүй, хоол, хунсний дутагдалд орж байна, Тиймээс малдаа биш малчдадаа анхаарал хандуулах цаг болсон. Энэ ч үүднээс томилолттой байх хугацаандаа аймгийн удирдлагуудад энэ чиглэлээр заавар, зөвлөгөө, үүрэг өгсөн байгаа. Ялангуяа, ахмад настан, хөгжлийн бэрхшээлтэй иргэд, эмэгтэйчүүд, хүүхдүүд гэсэн нийгмийн эмзэг хэсгийнхэнд түлхүү анхаарах чиглэл өгсөн.

Зөвхөн малын өвс, тэжээлхэн гэдэг үүднээс асуудалд хандахгүй байхыг анхааруулсан. Учир нь хүн гэдэг үнэт капитал тэнд байгаа гэдгийг бид мартах ёсгүй. Эмнэлгийн тусламж үйлчилгээ, нийгмийн тусламжийг цаг тухай бүрт нь тэдэнд хүргэхийг үүрэг болгосон" гэлээ. Тэрбээр аймгийн Засаг дарга нартай гэрээ байгуулах үеэрээ ч энэ талаар тэдэнд сануулсан юм.

Малчдал анхаарал хандуулахыг санууллаа