Эрхэм хүүхэд багачууд аа.

Хүндэт эцэг эхчүүд ээ.

Хүүхдийн эрхийг хамгаалах олон улсын баярын өдрийг тохиолдуулан нийт хүүхдүүд Та бүхэндээ болон та нарын эцэг эх, гэр бүл, найз нөхөд, хамгийн дотны хүмүүст тань аз жаргал сайн сайхныг хүсэн ерөөж баярын мэндчилгээ дэвшүүлье.

Манай орон хүүхдийн баярыг үндэсний хэмжээнд, амралтын өдөр болгон хуульчлан тэмдэглэдэг цөөн улсын нэг юм. Тэртээ 1952 оны зургадугаар сарын 1-нд анх Хүүхдийн баярыг тэмдэглэж эхэлснээр эдүгээ 61 дэх жилдээ энэ баяр тохиож байна.

Энэ жилийн хүүхдийн баяр нь Дэлхийн байгаль орчны өдрүүдтэй давхцан тохиож байгаагаараа онцлогтой бөгөөд “Ногоон дэлхий гэр бүлээс эхтэй” уриан дор тэмдэглэж байна.

Энэ жилийн хүүхдийн баяр нь Дэлхийн байгаль орчны өдрүүдтэй давхцан тохиож байгаагаараа онцлогтой бөгөөд “Ногоон дэлхий гэр бүлээс эхтэй” уриан дор тэмдэглэж байна. Энэ баяраар гэр бүлээрээ, найз нөхдөөрөө цугларч, хамтдаа хөгжлийн хотхоноор зочлон, сонирхолтой үйл ажиллагаанд оролцож байгаль дэлхийгээ хайрлах үйлст хувь нэмрээ оруулж байгаагаараа илүү ач холбогдолтой болж байна.

Манай төр, засаг ирээдүй хойч үе, хүүхэд багачуудынхаа сайн сайхны төлөө боддого зорилтоо тодорхойлон тэдний эсэн мэнд өсч, хөгжих, аз жаргалтай амьдрах, мэддэг боловсрол эзэмших, хариуцпагатай, эх оронч иргэд болон төлөвших, нийгмийн амьдралд оролцох эрхийг нь хангахад бүхий л анхаарлаа хандуулж ирлээ.

Монгол Улс хүүхэд залуучуудын орон гэдгээрээ та бид бахархдаг. Хүн амын 33 хувийг 0-18 насны хүүхэд эзэлж байна. Тиймээс ч Хүүхдийн эрхийг хамгаалах тухай хуулийн хэрэгжилтийг бүрэн хангуулах, өнөөгийн нөхцөлд хүүхдийн язгуур эрх ашгийг хамгаалах, ялангуяа хүүхдийн байгууллага, ажилтны эрх зүйн чадамжийг баталгаажуулах, бүтэц тогтолцоог нь сайжруулах зэрэг асуудлуудыг хуульчлах шаардлагатай байна. Энэ бүхэн хүүхдийн амьдралын нөхцөл, хүүхдэд хандах олон нийтийн зан үйлийн өнөөгийн байдлаас үүдэн зүй ёсоор тавигдаж байгаа юм. Үүнд төр засаг анхаарлаа түлхүү хандуулна гэдэгт найдаж байна.

Нийгмийн хөгжил түргэн хурдацтай явагдаж буй энэ цаг үед өнөөгийн хүүхэд, өсвөр үеийнхий эрэлт хэрэгцээ, хүсэл сонирхол, өсөлт хөгжилтийн онцлогт тохирсон сургууль боловсрол, мэдээлэл сурталчилгаа, харилцаа ханддага, дэмжлэг үйлчилгээ, хөгжлийн үйл ажиллагаа чухал байгааг нийт эцэг эх, багш сурган хүмүүжүүлэгчид, олон нийт, төр засгийн бүх шатны албан хаагчид анхааралдаа авч ажиллахыг зөвлөж байна.

Баярын энэ өдөр хүүхэд бүхэнд инээд баясал, дуу хуур, бүжиг наадам, хайр халамж, буян хишгээ хайрлахыг бүх аав, ээж, ахан дүүс, аж ахуйн нэгж байгууллагуудын удирдлага, элгэн садан Монголын түмэндээ хандан уриалж байна.

Баярын арга хэмжээг хамтран зохион байгуулж байгаа Хүүхдийн оролцооны байгууллагуудын үндэсний сүлжээ, Нийслэлийн хүүхэд гэр бүлийн хөгжлийн газар, Оюуныг дэмжих залуучуудын холбоо, НҮБ-ын Хүүхдийн сангийн хамт олонд талархал дэвшүүлж байна.

Монголын жаргалант ирээдүй болсон хүүхэд, багачуудын сайн сайхны төлөө хийсэн үйлс болгон дэлгэрч, үр шимийг нь хүүхэд бүхэн хүртэж байхын өлзийтэй ерөөлийг өргөн дэвшүүлье!

ЗАСГИЙН ГАЗРЫН ХЭРЭГЖҮҮЛЭГЧ АГЕНТЛАГ

ХҮҮХДИЙН ТӨЛӨӨ ҮНДЭСНИЙ ГАЗРЫН ДАРГА И.НАРАНТУЯА

Мэндчилгээ

Мэндчилгээ