Өмнөд Африкийн  бүгд найрамдах улсын дэд ерөнхийлөгчийн айлчлалын гол сэдвүүдийн нэг нүүрснээс  шингэрүүлсэн түлш гаргах асуудлаар уул уурхайн сайдтай яриа хийлээ.

Өмнөд Африкчуудын дэлхийд алдартай нүүрс шингэрүүлэн гаргах технологийг судлахын тулд ойрын үед Монгол улсаас төлөөлөгч Өмнөд Африкийг зорихоор талууд тохиролцжээ.

Уул уурхайн сайд Д.Ганхуяг “Монгол улсын тухайд нүүрс ихтэй нэг хүнд ноогдох нүүрсээрээ дэлхийд дээгүүрт ордог.  Хажууд бас том зах зээл байгаа учир энэ чиглэлээр хамтран ажиллах, мэдээлэл солилцох чиглэлд ярилцлаа.

Өмнөд Африкт төрийн өмчийн компаниуд байдаг. Түүний менежмент, засаглал нь маш сайн яваа. Тэр туршлагыг судлахаар ярьсан” хэмээн сайд хэллээ.  Жилдээ 240-250 тонн нүүрс олборлодог Өмнөд Африкийн уул уурхайн салбар улсынхаа ДНБ-ны 10 хувийг эзэлдэг. Нүүрс шингэрүүлсэн түлш болгох технологийг  гардаж хийдэг Өмнөд Африкийн компаниудтай танилцах боломж манай улсад нээгдэж байгаа юм.