УИХ-ын гишүүн С.Одонтуяад эрдэс баялгийн салбарын эрдэмтэд нэлээд ам сайтай байна. Тэрбээр Төрөөс эрдэс баялгийн салбарт баримтлах бодлогыг батлах тухай УИХ-ын тогтоолын төслийг боловсруулах ажлын хэсгийн ахлагчаар ажиллаж, 2006 оноос хойш гацаанд ороод байсан энэ асуудлыг эрдэмтэн, судлаачдын оролцоотойгоор нэг тийш нь болгож чадсан юм.

УИХ-ын нэгдсэн чуулганы өчигдрийн хуралдаанаар энэхүү тогтоолын төслийн анхны хэлэлцүүлгийг хийсэн бөгөөд УИХ-ын гишүүдийн зүгээс ч тийм ч их шүүмжлэл хүртээгүй. Энэ бүхнээс нь харахад УИХ-ын гишүүн С.Одонтуяа асуудалд нэлээд шинэ арга барилаар хандаж, эрдэмтэн, судлаачдын үгийг авсных нь үр дүн гарч байна гэж хэлж болохоор байна.

УИХ-ын гишүүн С.Одонтуяа асуудалд нэлээд шинэ арга барилаар хандаж, эрдэмтэн, судлаачдын үгийг авсных нь үр дүн гарч байна.

Түүний нөхрийг “Газрын тосны газрын даргаар ажилладаг учир энэхүү салбарын бодлогод нэлээд анхаарал хандуулсан” гэх яриа гарч байгаа ч газрын тосны салбар энэхүү тогтоолын төсөлтэй огт хамаагүй гэсэн.

Нөгөөтэйгүүр, эрхэм гишүүн энэхүү ажлынхаа хажуугаар Зүүн хойд Азийн орнуудын парламентын эмэгтэй гишүүдийн чуулга уулзалтыг эх орондоо зохиох гээд нэлээд завгүй гүйж харагдсан.

Энэхүү чуулга уулзалтыг УИХ дахь эмэгтэй гишүүдийн бүлгээс зохион байгуулж байгаа хэдий ч УИХ-ын гишүүн С.Одонтуяа болон Л.Эрдэнэчимэг нар гол ажлыг нь нугалж байгаа юм билээ. УИХ-ын гишүүн С.Одонтуяа гавьяат эдийн засагчийн охин төдийгүй аавынхаа мэргэжлийг эзэмшсэн нэгэн гэдгээрээ бахархдаг.

УИХ-ын байнгын хороод болон чуулганы хуралдааны үеэр эдийн засгийн асуудал хэлэлцэх үеэр эрхэм гишүүн маань нэлээд жинтэйхэн үг хэлчихдэг нь мэргэжлийнх нь онцлог гэлтэй.

Асуудлыг гацаанаас гаргагч