ETV телевизийн “Эрүүл оршихуй” нэвтрүүлгээр “Эрүүл мэндийн даатгал”-ын талаар ярилцлаа. Нэвтрүүлгийн зочдоос УИХ-ын гишүүн С.Одонтуяа, Эрүүл мэндийн сайд Н.Удвал нарын байр суурийг онцолж байна.

Эрүүл мэндийн сайд Н.Удвал: Эрүүл мэндийн даатгал гэдэг бол иргэн эмнэлгийн тусламж үйлчилгээ авахдаа хуримтлуулж, эрсдэлээ даатгаж тэр үедээ ашиглахаар хуримтлуулсан мөнгө. 1993 оноос хойш энэ хууль олон удаа өөрчлөгдсөн. Одоо сүүлийн шинэчилсэн хууль батлагдах гэж байна.

Эрүүл мэндийн даатгалд хамрагдах тусламж үйлчилгээний төрөл нь хязгаарлагдмал байдаг.

Иргэд даатгуулчихаад тусламж, үйлчилгээ авахаараа төлбөр төлдөгт гол асуудал байдаг. Энд хэд хэдэн шалтгаан бий. Нэгдүгээрт эрүүл мэндийн даатгалд хамрагдах тусламж үйлчилгээний төрөл нь хязгаарлагдмал. Нэг хэсэг тусламж үйлчилгээг төсвөөс, заримыг нь даатгалаас төлдөг.

Даатгалаас төлж буй мөнгөний хамрах хүрээг өргөжүүлэх шаардлагатай. Хоёрдугаарт даатгалаас төлж буй мөнгө, тариф нь тусламж үйлчилгээнийхээ бодит өртөгтэй зөрдөг. Эрүүл мэндийн тусламж үйлчилгээний нэгдсэн суурь тариф 100 гаруй мянган төгрөгөөр дутуу санхүүжигддэг.

Бодит өртгөөсөө зарим тусламж үйлчилгээ нь таван хувь, зарим нь 60 хувиар дутуу санхүүжүүлэгдэж байна. Энэ зөрүүг иргэд төлдөг. Эрүүл мэндийн салбар 2014 оноос эхлэн эрүүл мэндийн тусламж үйлчилгээний нэгдсэн тарифаа 100 гаруй мянган төгрөгөөр нэмж, нийт төсөвт өртөг, даатгалаас авдаг мөнгөн дээрээ 33 тэрбум төгрөгийг суулгасан.

УИХ-ын гишүүн С.Одонтуяа: Иргэд цалингаасаа нилээн их мөнгийг даатгалд төлдөг ч эрүүл мэндийн даатгалаас тусламж үйлчилгээ авах гэхээр нэр төрөл, багц нь бага байдаг. Энэ хуулиар багцыг нэмэгдүүлсэн. Тухайлбал, өндөр өртөгтэй хагалгаа, өрхийн эмнэлгийн зарим тусламж үйлчилгээ зэргийг оруулж эхэлж байгаа.

Даатгалаас төлж буй мөнгөний хамрах хүрээг өргөжүүлэх шаардлагатай.

Багц нэмэгдэхээс гадна өмнө нь төрөөс зардлыг нь дааж эмчилдэг байсан зарим төрлийн эмчилгээг даатгалаас төлөхөөр орсон. Даатгалын багц маань олон төрлийн үйлчилгээ үзүүлэхээр орсон учраас орлогын асуудал дээр нилээн ажиллаж байгаа.

-Эрүүл мэндийн даатгалын сангийн багтаамж, хүртээмж ямар байгаа вэ. Энэ олон эрэлт хэрэгцээг биелүүлэх боломжтой юу?

-Өмнөх даатгалын хуульд энэ боломж бага байсан. Шинэ хуульд олон хувилбараар орж байгаа. Даатгалын сангаас мөнгө хэрэглээгүй, эрүүл мэнддээ байнга анхаардаг чиглэлд урамшуулал олгох хэд хэдэн заалт орсон. Даатгалын сан жил бүр үлдэгдэлтэй байдаг. Тиймд үлдэгдлээ харж байгаад тодорхой хэмжээний эрүүл мэндийн үзлэгүүд орж байгаа.

Үргэлжлэлийг нэвтрүүлгээс үзнэ үү.

Даатгалын сангаасаа мөнгө хэрэглээгүй тохиолдолд урамшуулна