Асрамжийн газрын ахмадуудын шинэ байранд 3,6 тэрбум төгрөгийн хөрөнгө оруулалт шаардлагатай бөгөөд улсын төсөвт суулгуулсан гэдгийг Хүн амын хөгжил,  нийгмийн хамгааллын сайд С.Эрдэнэ хэллээ.

Ингэснээрээ хөгжлийн бэрхшээлтэй, сэтгэцийн өөрчлөлттэй ахмадуудыг тус тусад нь байлгах боломж бүрдэх юм.

Хүн амын хөгжил,  нийгмийн хамгааллын сайд С.Эрдэнэ:

Энэ жил бид анх удаа улсын төсөвт 3,6 тэрбум төгрөгийн хөрөнгө оруулалт батлуулсан. Үүнд улсын ахмадын асрамж, хөгжлийн үндэсний төвийн байрыг өргөтгөж хоёр томоохон корпус нэмж барина. Энд хөгжлийн бэрхшээлтэй болон, сэтгэцийн өөрчлөлтэй иргэдэд тусгай тасаг байгуулж тусад нь байршуулна.

Эдгээрээс гадна 5,6 тэрбумын хөрөнгө оруулалтаар Батсүмбэрийн асрамжийн төвөөс 3-4 км-ын зайд хоёрдох том ахмадын нөхөн сэргээх эмчилгээ сувилгааны төв баригдах бөгөөд Энд тэтгэвэртэй гарсан өндөр настнууд ирж сувилуулах боломжтой болно.