Архангай аймаг мал сүргээ төрөл бүрд нь хамгийн их өсгөсөн сумаар  тодорлоо. Тус аймгийн Эрдэнэмандал сумынхан 372261 толгой мал тоолуулжээ.  Сумын сайн малчнаар зургаан малчин шагнууллаа.

Эрдэнэмандал сумын сайн малчин Д.Сүхбаатар:

“Би 2005 онд Хүнс хөдөө аж ахуйн тэргүүний ажилтан, 2006 онд мянгат малчин болж байсан. 2006 оноос хойш мянгат малчнаа хамгаалж явсаар байгаад энэ жил сумын сайн малчин боллоо. Мал маллах нь хүнд хамгийн сайхан амьдралыг өгдөг. Таван хошуу малынхаа ач буянаар сумын сайн малчин болсондоо баяртай байна ” хэмээв.

Үүнээс гадна төлийн хорогдолгүй малаа онд мэнд оруулсан малчид төрсөн юм. Үүнд Д.Пүрэвдорж, Г.Ганзориг нарын есөн хүн шалгарсан юм.

Эрдэнэмандал сумын мянгат малчин Д.Пүрэвдорж:

Могой жил маань биднийг их ивээлээ. Энэ жил их өнтэй сайхан байсан учраас мал сүргээ өсгөж чадлаа. Миний хувьд өвөг дээдсээс өвлүүлсэн мал маллагааны арга ухаанаар малаа маллаж байгаа хүн.