Шүлхий өвчин хүйтний улиралд хурдан хугацаанд халдварладаг учраас тархалтыг зогсоох чиглэлээр албаныхан ихээр анхаарал хандуулан ажиллаж байгаа гэнэ. Энэ тухай тодруулахаар Шадар сайд Д.Тэрбишдагватай уулзлаа.

Монгол улсын Шадар сайд Д.Тэрбишдагва:

Шүлхий үнэхээр сэтгэл зовоосон асуудал. Сүхбаатар аймагт сүүлийн 10 гаруй жилд дөрвөн жилийн давтамжтай шүлхий гарч байна. Үүнийг давтан гаргахгүйн тулд Улсын төсвөөс ОХУ-аас тусламж авч ихээхэн хэмжээний вакцинжуулах аян явж байгаа ч тодорхой анхаарах асуудал байгааг харж байна. Нөгөө талаас гадна, дотны нөлөөлөл байхыг үгүйсгэхгүй. Нэгэнт гарсан тохиолдолд бид онцгой комисс хуралдуулж, онцгой нөхцөлд ажилладаг.

Бид онцгой нөхцөл байдалд цааш нь даамжруулахгүйн тулд гарсан даруйд нь арга хэмжээ авч чиглэл өгч ажилласан.

Гарахаас нь өмнө ҮХАА-н яам, мал эмнэлэг үржлийн хүмүүс онцгой сайн ажиллах ёстой гэсэн чиглэл өгдөг. Өнгөрсөн засгийн газрын хуралдаанаар тодорхой аймаг сумдыг өндөржүүлсэн бэлэн байдалд оруулсан. Нийтийг хамарсан уралдаан тэмцээн, арга хэмжээг хориглосон. Энэ долоо хоногийн эцсээр сумдын тоо нэмэгдээгүй. Цаашдаа өндөржүүлсэн бэлэн байдлыг үргэлжлүүлнэ. Бид онцгой нөхцөл байдалд цааш нь даамжруулахгүйн тулд гарсан даруйд нь арга хэмжээ авч чиглэл өгч ажилласан.

- Одоогоор хичнээн мал сүргийг вакцинжуулсан. Хүрэлцээ хангамж ямархуу байна?

Вакциныг боломжтой хэмжээгээр нөөцөлсөн ч вакцин нь хадгалагдах хугацаатай. Тэгэхээр энэ асуудалд ҮХАА-н яамнаас чиглэл өгч ажиллаж байгаа. Яг одоогоор вакцин байхгүй. Бид шүлхий гарсан цагаас эхлүүлээд яамд чиглэл өгч вакцины захиалга өгч, ямар вирус байгааг тогтоох чиглэл өгсөн.

Түрүүчээс нь хариуцсан хүмүүс ОХУ руу ниссэн байгаа. Үүнээс өмнө халдварыг тараахгүйн төлөө аймгийн удирдлага, ҮХАА-н яам ажиллаж байгаа. Онцгой байдлын ерөнхий газрын хувьд туслан дэмжих үйлчилгээ үзүүлнэ.

Д.Тэрбишдагва: Цаашдаа өндөржүүлсэн бэлэн байдлыг үргэлжлүүлнэ