Монгол улсын шадар сайд, УИХ-ын гишүүн Д.Тэрбишдагва
2014.03.03

Шадар сайд Оюуны өмчийн газрын үйл ажиллагаатай танилцлаа

Оюуны өмчийн газарт шадар сайд ажиллалаа. Өнгөрсөн он хийсэн ажлаа дүгнэж, цаашдаа хийх ажлыг бодлогоо хэлэлцсэн юм.

Анх 1990 онд байгуулагдсан оюуны өмчийн газрын үйл ажиллагаа өнгөрсөн оныг хүртэл унтаа байдалд байсан гэхэд болно. Тухайлбал хэвлэл мэдээллийн байгууллага зохиогчийн эрхийг аваагүй бүтээл ашигладаг. Кино, дуу зэрэг оюуны бүтээлийг цахим хуудаснаас үнэгүй татдаг зэрэг олон зөрчил байсан ч өнөөдөр байдал өөр болж байгаа хэмээн тус газрын дарга хэлж байна.

Монголд сайн бүтээл гаргаж түүнийгээ үнэлж ашиг олох боломж дутмаг. Тухайлбал сайн бүтээл гаргахын тулд цаг хугацаа, тодорхой хэмжээний мөнгө шаардлагатай болно. Тиймээс энэ байдлыг өөрчилж уран бүтээлч, зохион бүтээгч нарийг дэмжиж тэдэнд зээл олгох боломжийг бүрдүүлэхээр төлөвлөж байна.

Шадар сайд Д.Тэрбишдагва: Оюуны бүтээлийг үнэлж, цаашид санхүүгийн баталгаа болгож зээл авах боломжийг олгож өгөх санал гарч байна. Оюуны хүмүүс маш их хүч гаргадаг хэрнээ яг барьцаа хөрөнгө тавиад зээл аваад шинэ бүтээл гаргаж чадахгүй байна. Тиймээс оюуны бүтээл нь үнэлэгдэж чадаж байвал бүтээлийг нь барьцаа болгон илүү ихийг хийх боломжийг олгох талаар яригдаж байна.

Түүнчлэн Чингис хааны албан ёсны нэр, бэлэгдэл, хөрөг зэргийг хэн бүхэн хэрэглэж болох эсэх, хаана тавих ёстой зэрэг оюуны өмч талаас нь хуулийн төсөл гаргах саналыг Шадар сайд гаргалаа. Мөн оюуны өмчийг баталгаажуулах, монгол брэнд гаргах, дэлхийн оюуны өмчийн байгууллагад бүртгүүлэх чиглэлээр ажиллах хэрэгтэй байгааг оюуны өмчийн газарт Шадар сайд даалгалаа.