АН-ын бүлгээс санаачилсан Хамтын тэтгэврийн тухай хуулийг хаврын чуулганы сүүлээр буюу ирэх долдугаар сард батлуулна гэсэн төлөвлөгөөтэй байгаа аж. Уг хуульд 20 ба түүнээс дээш жил хамт амьдарсан гэр бүлийн  өндөр настны нэг нь өөд болоход нөгөөх нь тэтгэврийг нь үргэлжлүүлэн авна гэж заасан юм.

Хамтын тэтгэврийн тухай хуууль батлагдсан тохиолдолд төрөөс 200 тэрбум төгрөг гарна гэсэн яриа гараад байгаа. Энэ талаар С.Одонтуяа гишүүн ийм тайлбар өгч байна. "Тийм их мөнгө гарахгүй. Манай улсын хэмжээнд тэтгэвэр авдаг 8694 хүн байгаа.

Хамтын тэтгэврийн тухай хуулиар нас барж байгаа хүмүүсийн таван хувь нь өөд болсон ханынхаа тэтгэврийг авна гэж тооцоолохоор 22,8 мянган тэрбумын тооцоо гарч байгаа юм. 200 тэрбум гэдэг бол өндөр настнуудыг бүгдийг нь маргааш өөд болно гэсэн тооцоо байх. Тийм зүйл байхгүй. 22,8 тэрбум 200 тэрбум төгрөг хоёр чинь асар том зөрүүтэй тоо ш үү дээ". гэлээ.