Нийслэлийн Онцгой байдлын газрын баг тамирчид тэргүүн байр эзэллээ
Онцгой байдлын ерөнхий газар
2014.04.17

Нийслэлийн Онцгой байдлын газрын баг тамирчид тэргүүн байр эзэллээ

Онцгой байдлын асуудал эрхэлсэн байгууллага үүсч байгуулагдсаны 10 жилийн ой, Монголын үндэсний5 дугаар их наадмыг угтан зохион байгуулсан  “Онцгой байдлын албаны аварга шалгаруулах спортын их наадам” 2014 оны 04 дүгээр сарын 09-13-ны өдрүүдэд амжилттай болж өндөрлөлөө.

“Онцгой байдлын албаны аварга шалгаруулах спортын их наадам”-ын нээлтийн ажиллагаанд Монгол Улсын Шадар сайд Д.Тэрбишдагва оролцож үг хэлэв. Тэрээр хэлсэн үгэндээ, Онцгой байдлын албаны онцлог бол албан хаагчдаас хурд хүч, авхаалж самбаа, албаны бэлтгэл, бэлэн байдал ихээхэн шаарддаг алба.

Аврагчдын мэргэжлийн ур чадвар, бие бялдар, бэлтгэл, бэлэн байдал  сүүлийн жилүүдэд дээшилж байгаа нь биеийн тамир, спорттой салшгүй холбоотой.  “Аврагч” биеийн тамир, спорт хорооны спортын ордонтой болсноос хойш тамирчдын амжилт сүүлийн хоёр жил тогтмол өсч, ОУХМ

ОУХМ 27, спортын мастер 42, дэд мастер 76 төрөн гарсан.

27, спортын мастер 42, дэд мастер 76 төрөн гарсны зэрэгцээ албаны спортоор хичээллэгсдийн тоо нэмэгдэж байгааг онцлоод баг тамирчдад амжилт хүссэн юм.

Энэ үеэр Монголын үндэсний Олимпийн хорооны “Алтан медалиар” НОБГ-ын дарга, онцгой байдлын хурандаа Н.Уламбаяр, Дархан-Уул аймгийн Онцгой байдлын газрын Нөөцийн салбарын дарга Б.Энхбаяр нар  шагнагдлаа.

Мөн цэргийн спортын төрлөөр Аврах тусгай ангийн захирагч, онцгой байдлын хурандаа Д.Чинзориг, Гал унтраах техникийн олон төрөлт спортын төрлөөр НОБГ-ын ахлах мэргэжилтэн, онцгой байдлын ахмад Б.Эрдэнэбаяр, ахмад тамирчин Н.Ганболд нар  спортын мастер цол хүртлээ.

Онцгой байдлын сургууль, баруун, зүүн, төв, хойд бүсийн 500 гаруй баг тамирчин оролцсон.

“Онцгой байдлын албаны аварга шалгаруулах спортын их наадам” ширээний теннис, шатар, шагайн харваа, волейбол, сагс, кросс гүйлт, үндэсний бөх, жудо бөхийн төрлөөр явагдсан.

Онцгой байдлын ерөнхий газар, Нийслэлийн Онцгой байдлын газар, Аврах тусгай анги, Ахмадын холбоо, Хууль сахиулах их сургуулийн Онцгой байдлын сургууль, баруун, зүүн, төв, хойд бүсийн 500 гаруй баг тамирчин оролцсоноос тэмцээний нэгдсэн дүнгээр Нийслэлийн Онцгой байдлын газрын баг, тамирчид 1 дүгээр, Онцгой байдлын ерөнхий газрын баг, тамирчид 2 дугаар, Зүүн бүсийн баг, тамирчид 3 дугаар байрт тус тус шалгарч өргөмжлөл, цом, мөнгөн шагналаар шагнагдав.