Даваа гариг бүрт болдог “Бүтээн байгуулалтын цаг” уулзалтад Шадар сайд Д.Тэрбишдагва оролцож, Үндэсний их баяр наадмыг тэмдэглэн өнгөрүүлэх бэлтгэл ажлын хүрээнд хийгдэж буй бүтээн байгуулалтын ажлын талаар мэдээллээ.

Хүй долоон худагийг Монгол наадмын төв болгох бүтээн байгуулалтын ажил өнгөрсөн жилийн наадмын өмнө эхэлсэн. Энэ жил үргэлжилж, 500 машины зогсоол, нийтийн бие засах газар, явган хүний зам талбай зэргийг нэмж байгуулж байна.

Баярын өдрүүдэд “Улаанбаатар-Амгалан” өртөөнөөс Хүй долоо худагийн Давааны өртөө хүртэл төмөр замын автобус өдөрт 5 удаа явна, тус өртөөнөөс наадмын талбай хүртлэх 2,3 км замд Монголд үйлдвэрлэсэн “Эко” автобус наадамчин олонд үнэ төлбөргүй үйлчилнэ.

Төв цэнгэлдэх хүрээлэнгийн суудлыг 1959 оноос хойш шинэчлээгүй, хуучин будгийг нь арилгаж нэмж будсаар ирсэн. Энэ жил үзэгчдийн суудлыг бүрэн шинэчилж, 14 мянган сандал тавихаар төлөвлөсөн. Маргаашнаас суурилуулж эхэлнэ.

Соёл урлагийн тоглолт, үзвэр үйлчилгээг өмнөх жилүүдийнхээс дутахааргүй зохион байгуулахаар бэлтгэж байна гэж Шадар сайд хэллээ