Өнөөдөр УИХ-ын чуулганы хуралдааны эхэнд “Монгол Улсын 2013 оны төсвийн гүйцэтгэлийг батлах тухай” Улсын Их Хурлын тогтоолын төслийг хэлэлцлээ.

Засгийн газар 2014.06.18-ны өдөр өргөн мэдүүлсэн бөгөөд нэг дэх хэлэлцүүлэг үргэлжилнэ хэлэлцэж байгаа юм.

Энэ үеэр Уул уурхайн сайд Д.Ганхуяг тайлбар, залруулга хэллээ.

"Уул уурхайн сайдын багцаас нийтдээ 93,4 сая төгрөг гадаад томилолтын зардал хэтэрсэн гэсэн мэдээлэл хэвлэл мэдээллээр гарч байна. Энэ нь төсвийн тухай хууль, Сангийн сайдын 2005 оны 276 дугаартушаалын дагуу нэг бүлгийн дүнгээр хянагдах зардлуудыг хооронд нь гүйлгэж болно гэсний дагуу хийсэн гэж манай яамны эдийн засаг, санхүү, хөрөнгө оруулалтын хэлтсээс ирүүлсэн.

Дотоод хэмнэлтийн зардал нь 138 сая төгрөгөөр хэмнэгдэж, гадаад томилолтын зардал нь 93.4 сая төгрөгөөр хэтэрч нийлбэр дүнгээрээ 44.7 сая төгрөгийн хэмнэлт гарсан.

17.7 тэрбум төгрөгийн авлага байна гэж ярь байгаа үүнд тайлбар хийе. 2013 онд 12 сарын ажил хийгдээд, орлого нь нэгдүгээр сард орсон. Аудит хийхдээ нэгдүгээр сарын нэгнээр тастаж хийсэн учраас ийм гарч байгаа гэдгийг залруулж хэлэх гэсэн юм" гэв.

Д.Ганхуяг: Уул уурхайн яам 44.7 сая төгрөгийн хэмнэлт гарсан