Тулгар төрийн 2223, Их Монгол Улсын 808, Ардын хувьсгалын 93 жилийн ой ,Үндэсний их баяр наадмаар төрийн түшээд хэрхэн наадахыг сонирхож утас цохилоо

Х.Болорчулуун: Зүүн бүсийн наадамд оролцоно

/УИХ-ын гишүүд/    

-Би Улаанбаатартаа л наадна. Харин наадмын дараа буюу 13-нд Дорнод аймгийг зорино.

Учир нь манай аймгийн Матад, Булган, Баян-Уул, Халхгол сумын 90

жилийн ой тохиож байгаа.

Эдгээр сумдын ойд оролцоод Дорнод аймагт болох Зүүн бүсийн наадам очих төлөвлөгөөтэй байна.

Ж.Батсуурь: Мандахын наадамд оролцож байна

/УИХ-ын гишүүд/    

-Би одоогоор Дорноговь аймгийн Мандах сумын 90 жилийн ойн баяр наадамд оролцож байна.

Мандахын наадам хоёр өдөр үргэлжлэх байх. Энэ наадмын дараа Сайхандулаан сумын 90 жилийн  ойн баярт бас очиж, наадах төлөвлөгөөтэйгээр явж байна.

Сайхандулаан сумын ой энэ сарын 10,11-нд болно. Гэхдээ 11-ндээ багтаж хот орж, Үндэсний их баяр наадмын нээлтэд оролцох бодолтой байна.

Г.Шийлэгдамба: Сумынхаа 90 жилд оролцоно

/МАХН-ын Ерөнхий нарийн бичгийн дарга /

-Үндэсний их баяр наадмаар нийслэл хотдоо л наадна. Харин баяр наадмын дараагаас Хэнтий аймаг явна.

Тэлээд өөрийн төрсөн нутаг Өвөрхангай аймгийн Баруунбаян-Улаан сумын 90 жилийн ойн баяр наадамд очно. Манай сумын ой энэ сарын 17, 18-ны өдрүүдэд болно.