“Монгол” телевизийн “Нүүдэл шийдэл” нэвтрүүлэгт Эрүүл мэндийн салбарын санхүүжилт ба боломжууд сэдвээр салбарын мэргэжилтнүүд санал бодлоо солилцлоо.

УИХ-ын гишүүн С.Одонтуяа “ Ер нь гол асуудал бол хувь хүний халааснаас төлж байгаа мөнгө Монголд маш өндөр байна. Энэ бол дундаж орны хэмжээнээс даруй хоёр дахин өндөр байна. Үүнийг хэрхэн бууруулах вэ гэдэг дээр ажиллаж байна. Уг хуулинд маш олон өөрчлөлтийг оруулсан.

Энэ нь тусламж үйлчилгээ нь даатгалаас санхүүжих багцыг нилээд нэмж өгсөн. Ялангуяа үүнд өндөр өртөгтэй эрүүл мэндийн тусламж үйлчилгээ байна. Мөн хавдрын зарим тусламж буюу хөнгөвчлөх үйлчилгээнүүд байна.

Энэ нь иргэдийн халааснаас гарж байгаа төлбөрийг яах аргагүй багасгана. Нөгөөтэйгүүр өндөр өртөгтэй тусламж үйлчилгээнүүдийг хийснээр гадаад руу гарж байгаа мөнгөн урсгалыг тодорхой хэмжээнд нилээдгүй сааруулна.

Ингэснээр иргэд маань “ Хэрвээ би өндөр өртөгтэй хагалгааг хийлгэвэл, тодорхой хувийг даатгалаас төлчих юм байна. Гадаадад эмчлүүлэх юм бол ямар ч даатгалын санхүүжилт байхгүй” гэдгийг бодох учраас уг зүйл бол нилээд чухал.

Нэвтрүүлгийн үргэлжлэлийг бичлэгээс үзнэ үү