УИХ-ын чуулганы нэгдсэн хуралдаанаар Эдийн засгийн хүндрэлийг даван туулах арга хэмжээний тухай УИХ-ын тогтоолын төслийн анхны хэлэлцүүлгийг хийлээ.

Ингэхдээ хуулийн төсөлтэй холбогдуулан УИХ-ын нэр бүхий гишүүдээс гаргасан зарчмын зөрүүтэй саналын томъёоллоор санал хураалгахад тэтгэврийн зээлийн хүүг бууруулах санал олонхийн дэмжлэг хүлээж чадалгүй уналаа.

Уг саналыг УИХ-ын гишүүн Н.Номтойбаяр гаргасан байлаа. Тэрээр тэтгэврийн зээлийн хүүг бууруулах боломж бүрэн бий. Гагцхүү зөвшилцөх шаардлагатай гэж саналаа хамгаалсан бол Хүн амын хөгжил, нийгмийн хамгааллын сайд С.Эрдэнэ эсрэг байр суурьтай байв.

Тэрээр хэлэхдээ "Өнөөдөр арилжааны банкуудад байгаа Нийгмийн даатгалын сангийн чөлөөт үлдэгдлийн хүүг шууд автоматаар бууруулах эрх Нийгмийн даатгалын үндэсний зөвлөлд болон УИХ-ын хуралд байхгүй. Энэ бол арилжааны банкуудын дотоод ажил. Тиймээс эдийн засаг хүндрэлтэй цаг үед уг асуудалд шууд хутгалдаж орох хэрэггүй. Мөн тэтгэвэр авагчдын зээлийн хүүг бууруулахын тулд сангийн чөлөөт үлдэгдлийг барьцаалах нь хууль бус үйлдэл" гэлээ.

Үргэлжлэлийг бичлэгээс үзнэ үү.

Тэтгэврийн зээлийн хүүг бууруулахыг дэмжсэнгүй