Монгол Улсад жилийн жилд өвөлд бэлтгэх нь хамгийн чухал асуудлын нэг байдаг. Үе үеийн Засгийн газрууд, Ерөнхий сайд нарын хувьд энэ нь "толгойн өвчин" болдог нь тодорхой. Тэгвэл эрс тэс уур амьсгалтай улс орныхоо түлш, эрчим хүчний үйлдвэрүүдийн өвөлжилтийн бэлтгэлийг эртнээс базаах талаар Засгийн газар, Ерөнхий сайд С.Батболд эртнээс анхаарал тавьж ажилласан нь үр дүнгээ өгч эхлээд байна. Засгийн газраас нүүрсний аюулгүй нөөцийг бурдүүлэх, дулааны цахилгаан станцуудыг нүүрс нөөцлөх эргэлтийн хөрөнгөтэй болгох аж-лыг зохион байгуулсан байна.

Ингэхдээ олон жил өр төлбөрт баригдаж ирсэн "Багануур", "Шивээ-Овоо", "Шарын гол" ХК-иудын өр авлагыг барагдуулах, эдгээр компаниудын евөлжилтийн бэлтгэлийг хангах, их засварын ажлаа хийх нөхцөлийг бүрдүүлэх, түлш, эрчим хүчний үйлдвэрүүдийн найдвартай ажиллагааг хангахад нь зориулж 4.9 тэрбум төгрөийг улсын төсвөөс эргэн төлөгдөх нөхцөлтэйгөөр гэрээгээр ашиглуулж, 2010 онд багтаан төрийн өмчит дулааны цахилгаан станцуудаас буцаан төвлөрүүлэх арга хэмжээ авахаар шийдвэрлэжээ. Энэхүү арга хэмжээний ур дүнд цахилгаан станцууд нүүрсний үнэ төлбөрийг уурхайнуудад төлж чаддаггүй байсан гол бэрхшээл арилжээ.

Цахилгаан станцууд 2010 оны хувьд уурхайнуудад өргүй, харин ч илүү төлөлттэй байна гэсэн сүүлийн хэдэн жил сонсогдоогүй нааштай дун мэдээ сонсогдох болоод байна. 2010 оны аравдугаар сарын 1-ний байдлаар өвөлжилтийн бэлтгэл ажлын явц нүүрсний салбарт 91.9, эрчим хучний салбарт 86.0, аймаг, нийслэлийн ус суваг, орон сууц, нийтийн аж ахуйн байгууллагын дүнгээр 91.2 хувийн биелэлттэй, уурхайнуудын авахад бэлэн нүүрсний нөөц 965, мянган тонн байгаа тухай Ерөнхий сайд УИХ-д мэдээлсэн. Дулааны цахилгаан станцуудын нүүрсний нөөцийг өвлийн их ачааллын үед 20 хоногийн нөөцтэй буюу 278,7 мянган тонн байлгахаар төлөвлөснөөс одоо 237 мянган тонн нүүрсний нөөцтэй байгаа нь өнгөрсөн жилийн мөн үетэй харьцуулахад 57 мянган тонноор илүү байгаа аж.

Энэ бүхний үр дүнд Улаанбаатар хотын өвлийн бэлтгэл ажлын явц аравдугаар сарын 1-ний байдлаар 95,1 хувьтай, Орон сууц нийтийн аж ахуйн удирдах газрын харъяа компанийн орон сууцнууд халаалтаа 100 хувь авчээ. Энэ бүхнийг Засгийн газар, Ерөнхий сайд зөв зохион байгуулж, удирдсаны үр дүн гэхэд худал гэх аргагүй. С.Батболд Ерөнхий сайд болоод яг нэг жил болж буй энэ үед түүний Засгийн газар ийн ахиц дэвшил гаргасаар байгааг дарах аргагүй мэт.

ЗАСГИЙН ГАЗАР ЗУДАД ЗУТРАХГҮЙН ТУЛД САЙТАР БЭЛТГЭЖЭЭ

Өнгөрсөн жил Монгол Улс зуданд найман сая гарүй малаа алдсан. Тэгвэл энэ жил өмнөх жилийн гашуун түүхийг давтахгүйн тулд эрвийх дэрвийхээрээ хөдөлж, өвлийн бэлтгэлээ сайтар базаан Зас-гийн газар, Ерөнхий сайд удирд-лага зохион байгуулалтаа сайн хийж байна. Үүний үр дүнд малын өвс тэжээлийг хангалттай хэмжээнд нөөцлөөд байгаа юм. Энэ жил улсын хэмжээнд 164 мянган малчин өрхөд 35,7 сая. толгой мал өвөлжих урьдчилсан тооцоо гарчээ.

Засгийн газрын шийдвэрээр улсын хэмжээнд нийт 995,3 мянган тонн хадлан, 58,4 мянган тонн ногоон болон гар тэжээл бэлтгэх, түүний дотор аймаг, нийслэл, сум, дүүрэг бүрт нийт малыг 30-аас доошгүй хоног нэмэгдэл тэжээлээр тэжээх хэмжээний өвс, тэжээлийн нөөцийг бүрдүүлэх даалгавар өгсөн байна. Нийт нутгаар зуншлага, бэлчээрийн гарц сайн байсан нь уг шийдвэрийг гүйцэтгэх боломжийг олгосон ажээ. Хадлан, тэжээл бэлтгэх ажилд 90,2 мянган хүн, 8242 том, жижиг оврын техниктэй ажиллаж байгаа нь өнгөрсөн оныхоос ажиллах хүчний тоо 35,2хувиар, техник хэрэгслийн тоо 40 гаруй хувь илүү гэсэн үг гэнэ. Засгийн газраас орон нутагт хадлангийн. техник хэрэгслийн хангамжийг нэмэгдүүлэх зорилгоор нийт 940 сая төгрөгийн хөрөнгөөр хадлангийн 151 иж бүрдэл трактор, техник хэрэгслийг худалдан авч малчид, иргэдэд 50 хувийн , хөнгөлөлттэй үнээр нийлүүлжээ.

Мөн гадаад улс орнууд, олон улсын төсөл, хөтөлбөрийн хүрээнд 1,2 тэрбум төгрөгийн хөрөнгөөр хадлан, тэжээлийн техник хэрэгслийг худалдан авч Төв, Сэлэнгэ, Булган, Хэнтий, Хөвсгөл, Архангай, Дархан-Уул, Орхон аймагт хөнгөлөлттэй нөхцөлөөр олгосон нь хадлан бэлтгэлийг эрчимжүүлэхэд томоохон түлхэц болсон байна. Засгийн газрын "Малын тэжээл" хөтөлбөрийн хүрээнд Архангай, Төв, Хөвсгөл, Өвөрхангай зэрэг аймагт ногоон тэжээл тариалах жилийг зарлаж, нийт 230 сая төгрөгийн үнэ бүхий 200 тн ногоон тэжээлийн үр олгон, тариалалтыг зохион байгуулжээ.

Мөн өнгөрсөн жилийн зудны хүндрэлийг даван туулахад зориулж ОХУ-ын Засгийн газраас буцалтгүй тусламжаар олгосон 56,8 мянган тн тэжээлийн арвай буудайг орон нутгаас ирүүлсэн хүсэлтийн дагуу Засгийн газрын шийдвэрээр хуваарилан олгохоор шийдэж, аймаг, нийслэлд нийт 31,2 мянган тн-ыг, 25,6 мянган тн-ыг хорголжин тэжээл бэлтгүүлэх зориулалтаар улсын нөөцөд авсан нь тэжээлийн нөөцийг нэмэгдүүлэхэд чухал ач холбогдолтой арга хэмжээ болсон байна. Ийнхүү С.Батболд Ерөнхий сайд ажлаа авснаасаа хойш анх удаа өвлийн бэлтгэлийн ажлыг хангуулах ажлыг удирдан зохион байгуулаад байна.