Баянгол дүүргийн 50 жилийн ойн баяр тохиолоо. Энэ хүрээнд Хүй долоон худагт тус дүүргийн нийт иргэд, аж ахуйн нэгжүүдийн дунд Найрсаг Баянгол фестивалийг зохион  байгуулжээ.

Найрсаг Улаанбаатар, Найрсаг Баянгол дүүрэг  хөтөлбөрийн хүрээнд зохиогдож байгаа фестиваль ААН, албан байгууллага, дүүргийн 23 хороодын иргэдийн үндэсний дээл хувцастай жагсаалаар эхэлсэн юм. Уг үйл ажиллагаанд Баянгол дүүргээс гарсан УИХ-ын гишүүд, үе үеийн засаг дарга нар, нийслэл дүүргийн төлөөлөгчид оролцжээ.

ХАХНХ-ын сайд С.Эрдэнэ “Баянголчуудын маань 50 жилийн түүхэнд хийсэн бүтээл, хөгжил нь түмний өмнө ил тод байдаг. Одоогийн дүүрэг байгаа нутаг дэвсгэр 50 жилийн өмнө эзэнгүй хээр тал байсан. Харин одоо Улаанбаатар хотын өнгө төрхийг илэрхийлсэн орчин үеийн томоохон дүүрэг бий болтлоо бүтээн байгуулалт хөгжлийг хийжээ” гэлээ.

                       Дэлгэрэнгүйг бичлэгээс үзнэ үү