... Ард иргэд, та бидний хамтын зүтгэл, залгамж чанар, байгаль цаг агаарын тааламжтай нөхцөл бусад олон эерэг хүчин зүйлийн нөлөөгөөр амжилттай хэрэгжиж манай аймгийн хөгжил дэвшил, иргэдийн амьдралд чухал нөлөө үзүүлсэн олон ажлуудаас дээжлэн 9 гол ажлыг билэгдэн дурдья.

1. Аймгийнхаа нутаг дэвсгэрийн 50 өргөргөөс хойших газар нутгийг аймгийн тусгай хэрэгцээнд авснаар ашигт малтмалын ашиглалт, хайгуулын лицензүүдийг /56/ цуцлаж, байгалаа унаган төрхөөр нь хойч үедээ өвлүүлэх, аялал жуулчлалын тэргүүлэх бүс болох нь баталгаажав.


2. Аймгийн бүх сумд цахилгаан, эрчим хүчний найдвартай эх үүсвэрээр бүрэн хангагдаж, мэдээлэл технологийн дэвшилтэй хөл нийлж, үйлдвэрлэл үйлчилгээ өргөжих, иргэдийн амьдралын чанар дээшлэх боломж бүрдээд байна.


3. Улаанбаатар дахь нутгийн зөвлөлтэй хамтран Аймгийнхаа хөгжлийн гарцыг шинэчлэн тодорхойлох “Хөвсгөл-Хөгжил” формыг нутгийн иргэд, бизнес эрхлэгчид, орон нутгийн удирдлага, эрдэмтэн мэргэд, төрийн түшээдийнхээ оролцоотой амжилттай зохион байгууллаа

4. Үйлдвэржилтийг дэмжих жилийн хүрээнд нийтдээ 1,5 тэрбум төгрөгийн хөрөнгө оруулалтаар үйлдвэрлэл, үйлчилгээний 130-аад төслийн тоног төхөөрөмж, эргэлтийн хөрөнгө, түүхий эд, ажлын байрны өргөтгөлд санхүүжилт хийгдэж, 450 орчим байнгийн 340-өөд түр ажлын байр бий болсон.

5. 2009 онд нийт 24.9 мянган тн улаан буудай хураан авч, га-гаас дунджаар 19 центр ургац авсан нь өмнө байгаагүй амжилт бөгөөд, аймгийн гурилын хэрэгцээгээ 100 хувь хангах боломж бүрдэн, мал тооллогын урьдчилсан дүнгээс харахад малын тоо өсөж, ямааны тоо цөөрч сүргийн бүтцэд зөв хандлага бий болж , цаан сүргийн тоо 1000 хол давлаа.

6. Боловсрол, соёл, спортын салбарт бүтээн байгуулалтын нөр их ажил хийгдэж олон жилээр шийдэгдээгүй байсан Соёл спортын цогцолбор, Номын сан, Музейн барилга зэрэг томоохон обьектууд ашиглалтанд орж, “Гурван аварга”, “Бүрэнхаан” сургууль, Мөрөн суманд 2 ч цэцэрлэг шинээр байгуулагдаж, ОХУ-тай оюутан солилцооны хөтөлбөр хэрэгжин, Бурхан багшийн сэрэг дүр бүтээсэн ……

7. Төрийн үйлчилгээг иргэдэд шуурхай, ил тод, шудрага хүргэх ажилд дэвшил гарж Нэг цэгийн үйлчилгээг нэвтрүүлэн, Төр ба иргэн – Хамтын зүтгэл арга хэмжээг тогтмолжуулж, ТББ-уудын зөвлөл байгуулж тэдгээрийн санаа бодлыг бодлого шийдвэртээ тусган хэрэгжүүлж байна.


8. Төрийн ажлын дотоод зохион байгуулалт, архив-албан хэрэг хөтлөлтийн улсын үзлэгт аймгаараа “хангалттай сайн” үнэлэгдэж, төсвийн бүх байгууллагууд өр төлбөргүй шинэ оноо угтах боломж бүрдээд байна.


9. 2009 онд манай аймгаас Монгол улсын баатар -1, Монгол улсын хөдөлмөрийн баатар -1, Монгол улсын гавъяат багш- 3 төрсөн нь бидний бахархал зайлшгүй мөн юм.