Оюутан залууст зориулсан “Жендэр, Хүний эрхийн элч” сэдэвт лекц өнөөдөр 10-11.30 цагийн хооронд “Туушин зочид буудал”-д болох бөгөөд энэ үеэр ХАХНХ-ын сайд С.Эрдэнэ УИХ-ын Ц.Оюунгэрэл нар лекц уншина.

Жендэрийн үндэсний хорооны дэд дарга, УИХ дахь 2015 оны “Жендэр, хүний эрхийн элч”, Хүн амын хөгжил, нийгмийн хамгааллын сайд С.Эрдэнэ "Жендэрийн тэгш байдлыг хангахад эрэгтэйчүүд, залуучуудын оролцоог хангах нь" сэдвээр илтгэл тавина.

Харин "Жендэрийн мэдрэмжтэй шийдвэр гаргах дадалд суралцахуй" сэдвээр УИХ-ын гишүүн, УИХ дахь 2015 оны “Жендэр, хүний эрхийн элч” Ц.Оюунгэрэл нар тус тус лекц унших юм.

Монгол Улсын Засгийн газар, Жендэрийн үндэсний хорооноос Нэгдсэн үндэсний байгууллагын Хүн амын сантай хамтран уг лекцийн зохион байгуулж байгаа аж.