Ж.Бат-Эрдэнэ гэдэг хүнийг эчнээ таньдаг болоод уджээ. Учир нь тэрбээр фэйсбүүк хуудастаа өөрийн туулж өнгөрүүлсэн амьдралаа цуврал түүх маягтай болгож бичсэн нь олон хүнд таалагдаж буй.

Дунд сургуульдаа онц сурлагатан байсан хүү их сургуульд конкурс өгөөд унахдаа нүүр хийх газаргүй болсон тухай, Зам тээвэр, барилга хот байгуулалтын яаманд Төрийн нарийн бичгийн даргын алба /түүнийг ийм өндөр албан тушаал хашдаг байсныг сүүлд оруулсан түүхээс нь мэдэж авсан/ хашиж байх үедээ нэгэн эмэгтэйд хуульч болох замыг зааж өгч, дараа нь нөгөө эмэгтэйгээ тэмцэгч болсныг нь хараад баярласан тухай өгүүлэх түүхүүд нь өөрийн эрхгүй уншаад баймаар...

Хүнд нэгийг бодуулж, хоёрыг сануулах тийм л түүхүүд... Ж.Бат-Эрдэнийн түүхийг уншсан хүмүүс “Ном болгоод хэвлүүлбэл ч сайхан ном болно доо”, “Дараагийн түүхийг чинь тэсэн ядан хүлээж байна”, “Уухайс... Цааш нь бичээд байгаарай”, “Энгийн хэрнээ эгэлгүй түүх юм” гэсэн сэтгэгдэл үлдээсэн байсан юм. Хүн бүрт өөрийн гэсэн түүх бий. Гэхдээ л Ж.Бат-Эрдэнийн түүх бусдаас арай л өөр...

/Ж.Бат-Эрдэнийн түүхтэй холбогдох линк: 

https://www.facebook.com/baterdene.jadamba/?fref=ts/