Баянзүрх дүүргээс сонгогдсон УИХ-ын гишүүн Д.Ганхуяг, Ч.Сайханбилэг нар Монгол Улсыг Хөгжүүлэх сангийн 2009 оны төсвийн тухай хуулийн нэгдүгээр хавсралтад дурдсан хөрөнгө оруулалтын төсөл арга хэмжээний хүрээнд тойргийнхоо 18-р хороонд Өрхийн эмнэлэг, Хорооны байр, Цагдаагийн хэсгийг нэгтгэсэн цогцолборыг шинээр барихад 210 сая төгрөгийн хөрөнгө оруулалт хийлээ. Уг цогцолборын шав тавих ёслолын ажиллагаа өнгөрсөн баасан гарагт боллоо.