Баянсэлэнгэ.З 2016.04.22 | Сонин: Өнөөдөр сонин

“Монгол Дайвин” компанийг шүүхэд өгнө

“Монгол Дайвин” компанийг шүүхэд өгнө

Ээлжит “Сайдын цаг” уулзалтад Барилга, хот байгуулалтын сайд З.Баянсэлэнгэ оролцов.

Энэ оны хоёрдугаар сард баталсан Барилгын тухай хуулийг хэрэгжүүлэхэд шаардлагатай 33 журмаас 22-ыг нь шинэчлэн баталжээ. 21 аймаг, нийслэлийн алслагдсан дүүрэг, шинэ суурыилын бүс болон гэр хорооллын дахин төлөвлөлтийн төслийн хүрээнд барьсан орон сууцыг таван хувийн хүүтэй зээлээр худалдан авах журам батлагдсантай холбоотойгоор цөөнгүй барилгын компанийн зүтээс орон сууцнуудыг нь шинэ суурьшлын бүсэд хамааруулах хүсэлт тавьж буй гэнэ. Тэдний саналыг ч салбарын сайд нь дэмжиж буй бололтой.

Тэрбээр “Засгийн газрын хуралдаанаар уг асуудлыг хэлэлцэж, таван хувийн зээлийн журам боловсруулахдаа удирдлага болгосон Засгийн газрын дунд хугацааны хөтөлбөрт өөрчлөлт оруулах ёстой. Уг хөтөлбөрийг 2010онд баталсан. Түүнээс хойш шинэ суурыплын бүсийн хамрах хүрээ нэмэгдсэн” гэсэн юм. Мөн түрээсийн орон сууцны хөтөлбөр хэрэгжүүлэхээр төлөвлөсөн найман аймгийн тавд нь ажил хэдийнэ эхэлснийг дуулгав. Өнгөрсөн долоо хоногийн Засгийн газрын хуралдаанаар ТОСК-д зээл авах, хөрөнгө босгох бо- ломж бүрдүүлсэн шийдвэр гаргасан тул түрээсиин орон сууц хөтөлбөр цаашид цар хүрээгээ тэлэх боломжтой гэж сайд З.Баянсэлэнгэ онцолсон.

Энэ үеэр тэрбээр хот байгуулалтын суурь дэд бүтцийг өргөжүүлэхээр төсөл хэрэгжүүлж, 126 тэрбум төгрөг зарцуулаад буйг тэмдэглэсэн. Эдгээр ажлын ихэнхийг гүйцэтгэж дууссан ч өнөө хэр хэн өмчлөгч болох нь тодорхойгүй аж. Тухайлбал, Баянголын аманд суурь дэд бүтцийг бүхэлд нь нийт 6.2 тэрбум төгрөгөөр шийдсэн ч тэнд 26 мянган айлын орон сууц барихаар төлөвлөсөн нь цаасан дээр л байна. Уг нь суурь дэд бүтэц тавих ажил эхлэхээс ч өмнө буюу 2002 оноос хойш тэнд орон сууц барих зориулалтаар нийт 480 га газрыг хувь хүн, аж ахуйн нэгжид олгоод буй гэнэ.

Харамсалтай нь газрын  эзэд орон сууцаа барихгүй байгаагаас шинээр тавьсан дэд бүтцийн шугам, хоолой нь ашиглагдахгүй, хуучирч буй гэнэ. Энэ нь төрийн байгууллага, ажил хариуцсан хүмүүсийн ажлын уялдаа, холбоо муутай байдгийн нэг илрэл гэж салбарын сайд дүгнэнэ лээ. Ер нь энэ мэт өмчлөл нь тодорхойгүй нэлээд асуудал тус салбарт бий бололтой. Мөн тэрбээр Засгийн газраас хэрэгжүүлж буй “Сумын төвийн шинэчлэл” төслийг зарим суманд хэрэгжуүлсэн “Монгол дайвин” компанийг шүүхэд өгч буйгаа мэдэгдсэн. Нийт 16 сумыг сонгон хэрэгжүүлж буй тус төслийн хүрээнд зургааг нь шинэчилж, суурь дэд бүтэцтэй болгох ажлыг тус компани хариуцан ажилласан ч тун хангалтгүй буй нь яамны шалгалтаар илэрчээ. Салбарын яам, түүний харьяа бай- гууллагаас Сүхбаатар аймгийн Эрдэнэцагаан, Хэнтий аймгийн Биндэр, Дорнод аймгийн Баян-Уул суманд хийсэн ажлыг шал- гахад тус компани нийт санхүүжилтийн бараг 80 орчим хувийг авсан хэрнээ ажлын гүйцэтгэл нь дөнгөж 20 орчим хувьтай, хангалтгүй байжээ. “Монгол дайвин” компани нэг суманд тав буюу нийт 30 тэрбум төгрөгийн ажил хийхээр гэрээ байгуулжээ.