Эдийн засгийн байнгын хороогоор Аялал жуулчлалын хөгжлийн суурь асуудлыг авч хэлэлцлээ. Байгаль орчин аялал жуулчлалын яамны сайдын мэдээллийн дагуу гишүүд асуулт асууж санал хэллээ.

УИХ-ын гишүүн С.Чинзориг: Сайдын гишүүдийн асуултанд хариулж байгаа байдлаас харахад аялал жуулчлалын гурван бүс байна гэж дурдаж байна. Тухайлбал улаанбаатар, Хөвсгөл, Хэнтий гэж хэлсэнтэй би санал нийлэхгүй байна. Өнөөдрийг хүртэл 25 жилийн хугацаанд гадаадын аялал жуулчдыг татаж байгаа та хэдийг ажил хийлгэсэн болгож харуулж байгаа Монголын нүүрийг тахалж байгаа газар бол Өвөрхангай аймгийн Хархорин сум, Эрдэнэзуу хийд шүү дээ. Та энэ газраа аялал жуулчлалын гол бодлогын бүсэд хамааруулан авч үзэхгүй бол буруу бодлого болно.

Манай аялал жуулчлалын бүсэд жуулчид очоод үзэх юмгүй байгаа нь үнэн

Бас нэг асуудал нь Аялал жуулчдад үзүүлэх юм байхгүй гэдэгтээ санал нэг байгаа юм. Аялахаар очиход үзэх зүйл байхгүй, тэгэхээр өмнө Ордос хот гэдгийг ямар хот байсныг ямар хот болгосныг гурван жилийн өмнө очиж үзэж байсан. Саяхан нэг үзсэн тэр Чингисийн онгоны шүтээнийг дахиж өөрчлөөд асар том болгоод шал өөр болгосон байна лээ шүү дээ. Тэгэхээр бид Улаанбаатарыг түүнээс дутахгүй болгох талаар ярихынхаа оронд Улаанбаатар хотын төвд байх Чингисээ хүн үзэх хэмжээний болгочих л хэрэгтэй л дээ. Тийм учраас аялал жуулчлалыг бодлогоор хөгжүүлж гадныханд үзүүлэх юмтай болмоор байна.

Нөгөөтэйгүүр хотын дэд бүтэц, үйлчилгээ соёлд зайлшгүй анхаарлаа хандуулах шаардлагатай. Өөрчлөлт хиймээр байна. Элсэн тасархай чиглэсэн зам дагуу үйлчилгээний цогцолборыг санаачилсан хувьд сайшаалтай байгаа гэхдээ тэр хүртэл 300 км бас л их хугацаа тэр хооронд ч гэсэн зовж байгаа тэгэхээр тэр хүртэлх ахин нэг дэд бүтцийн үйлчилгээний бүтэц бий болгоход анхаарах хэрэгтэй.

С.Чинзориг: Монгол Улс гурван аялал жуулчлалын бүстэй гэдэгтэй санал нийлэхгүй байна