УИХ-ын гишүүн Т.Аюурсайхан Монгол банкны ерөнхийлөгч Н.Баяртсайханд тавьсан асуулгын хариуг хэлэлцлээ.

УИХ-ын гишүүн Д.Тэрбишдагва асуулт асуув.

Бодлогын хүү 12% болчихсон байгаа.

Цаашдаа зээлийн хүүг бууруулах бодлого хэрхэн явагдах вэ?

Бусад улс орнууд зээлийн хүүгээ 0%, 1%-тай байлгадаг, манайд хадгаламжийн хүү өндөр байгаа учраас зээлийн хүү буурахгүй байна. Тэгэхээр хадгаламжийн хүү, зээлийн хүү дээр ямар бодлого барих вэ?

Хоёрдугаарт,

Хадгаламж нийлээд 1 тэрбум доллар байдаг юм байна, энэний хэдэн хувь нь аж ахуй нэгж, хэдэн хувь нь иргэн дээр байдаг вэ?

Ер нь 500-гаас дээш сая төгрөгийн хадгаламжтай иргэн нийтдээ 200--300 байдаг гэсэн. Хадгаламжиндаа мөнгөтэй байгаа хүмүүс хадгаламжийн хүүг бууруулахад дургүй л байна байх. Гэхдээ хадгаламжийн хүүг бууруулж байж аж ахуй нэгжүүд сэргэх учраас иргэд мөнгөө заавал ч үгүй банкинд байрлуулахгүйгээр хөрөнгийн бирж зэрэгт мөнгөө байрлуулж ашигтай компанийн хувьцааг авдаг болгох чиглэл рүү юу хийгдэж байна вэ,

Гуравдугаарт,

Хоёр том банк хүнд байдалд орж байгаа, ДНБ-ны 5%-тай тэнцэх хэмжээний мөнгийг улсын төсвөөс гаргана гэж яриад байна. Банкны шалгалтуудын үр дүн гарч байгаа юу, арилжааны банкуудын байдал ямар байгаа вэ?

Дөрөвдүгээрт,

Хятадын своп хэлэлцээр гэж ямар нөхцөлтэй хэлэлцээр вэ? Энэ чиглэлээр банкны хүнээс нь тодорхой мэдээлэл авмаар байна.

Монгол банкны ерөнхийлөгч Н.Баяртсайхан хариултыг өгөв.

Бодлогын хүүг өнөөдөр мөнгөний бодлогын зөвлөлөөр хуралдаад 11% болгосон байгаа. Бодлогын хүүг буулгахад дараах 3 зүйлийг харгалзан үздэг. Үүнд инфляцын төлөв байдал, эдийн засгийн идэвхижилт сайжирч байгаа, гадаад валютын нөөц нэмэгдсэн зэрэг үзүүлэлтүүд дээр дүн шинжилгээ хийсэн.

Арилжааны банкууд дээр активын чанарын үнэлгээ хийгдээд дуусаж байна. Гэхдээ хараахан эцсийн дүн нь гараагүй байгаа учраас та бүгдээс хүсэхэд банкны чанарын асуудал дээр ямар нэгэн банкны нэр, тоон мэдээлэл битгий хийгээчээ.

Д.Тэрбишдагва: Хадгаламжийн хүүг бууруулж байж аж ахуй нэгжүүд сэргэх учиртай