Шатахууны үнэ нэмэгдсэнээс гадна хомсдол үүссэн нь иргэдийг бухимдуулаад байна. Өнгөрсөн хугацаанд Засгийн газар шатахууны үнийг тогтоон барихын тулд үнийн зөрүүн дээр татаас өгөх, шатахуун импортлогчдыг бага хүүтэй зээлээр дэмжих зэрэг олон зохицуулалт хийж ирсэн. Харин энэ удаад ямар зохицуулалт хийх нь одоо болтол тодорхойгүй байна. Өнгөрсөн хугацаанд зөвхөн үнийг нэмэгдүүлэхгүй байх өнцгөөс харж хийсэд дээрх зохицуулалтууд, нөгөө талдаа энэ салбарт бизнесийн орчныг эвдсэн гэж Зам тээврийн хөгжлийн сайд Ж.Бат-Эрдэнэ үзэж байна.

Ж.Бат-Эрдэнэ: Бид буцаж социализмын үе рүүгээ орохгүй. Эргээд төлөвлөгөөт эдийн засаг руугаа орхгүйгээс хойш энэ  асуудлыг зах зээлтэй нь уялдуулахаас өөр арга байхгүй. Хуучин төрийн хэмжээний хангамж, зохицуулалт байсан гэдэг утгаараа тодорхой хэмжээгээр гадаа худалдаатайгаа уялдуулдаг байсан бол өнөөдөр байдал хэцүү болсон байна. Жишээ нь Зам, тээврийн хөгжлийн яам бол өөрөө хэрэглэгч. Олон улсын зах зээл дээр үнэ нэмэгдсэн эсэхийг бид хянах ёстой. Өрсөлдөөнийг оруулж ирэхийн зэрэгцээ дотоодын зах зээлээ ямар хэмжээнд хамгаалж үлдэх нөцхлийг бүрдүүлэх ёстой.