Өнөөдөр /2018.05.03/ УИХ-ын нэгдсэн чуулганаар Монголбанкны Мөнгөний бодлогын хорооны орон тооны бус гишүүдийг томилох асуудлыг хэлэлцлээ.

Төв банкны тухай хуулийн 27 дугаар зүйлийн 1 дэх хэсэгт Монголбанк нь Мөнгөний бодлогын хороотой байна. Тус хороо нь 7 гишүүнтэй байх бөгөөд Монголбанкны ерөнхийлөгч, Тэргүүн дэд ерөнхийлөгч, Дэд ерөнхийлөгч болон УИХ-ын Эдийн засгийн байнгын хороо нэр дэвшүүлж, УИХ-аас 6 жилийн хугацаатай томилсон орон тооны бус 4 гишүүнээс бүрдэнэ гэж заасныг үндэслэн Мөнгөний бодлогын орон тооны бус гишүүдэд нэр дэвшүүлэх тухай асуудлыг Эдийн засгийн байнгын хороо 2018 оны 5 сарын 2-ны өдрийн хуралдаанаар хэлэлцсэн байна.

УИХ-ын гишүүн М.Билэгт:

Монголбанк манай улсын сан хөмрөгийг зохицуулдаг. 2012-2016 онд маш их бонд авсан хэрнэ, төгрөгийн ханш 70 хувь унасан. Цаашид Монгол төгрөгний ханшийг тогтвортой болгохын тулд ямар ажил хийх гэж байна вэ? Зэргэлдээ урд хөрш мөнгөний ханш нь тогтвортой байж чадаж байна. Манай мөнгөний ханш яагаад унаад байна вэ?

Ажлын хэсэг: Өнгөрсөн 2012-2016 онд нэг талаас арилжааны бонд босгосон. Их хэмжээний төгрөгийн нийлүүлэлт хийсэн, зах зээлд энэ харьцаа алдагдсан. Хамгийн гол нь дэлхийн зах зээлийг сайн ажиглах хэрэгтэй. Экспортын бүтээгдэхүүний үнэ огцом унасан зэрэг нь нөлөөлсөн. Цаашдаа экспортыг нэмэх хэрэгтэй. Манай улс мөнгөний эрсдэлтэй зээлд хамаагүй орж ирж болохгүй. Цаашдаа анхаарах хэрэгтэй.

М.Билэгт: Манай мөнгөний ханш яагаад унаад байна вэ?