Ардчилсан хүчний холбооныхон анхдугаар их хурлынхаа үр дүнгийн талаар өчигдөр сэтгүүлчдэд мэдээлэл хийв. Нэлээд хэдэн аймаг болон нийслэлийн зарим дүүрэгт салбараа байгуулсан тус холбооны анхдугаар их хуралд гишүүд, дэмжигчид нь идэвхтэй оролцсон байна. Олон нийтийн бус олигархиудын эрх ашгийг илэрхийлэх болсон енөегийн Засгийн газар хегжлийн талаар шийдвэртэй арга хэмжээ авч чадахгүй байгаад Ардчилсан хүчний холбооныхон шүүмжлэлтэй хандаж байна. Эрх баригчдын энэ амин хувиа хичээсэн байдлаас болж Монгол Улс хөгжлийн бодит төвшингөөс хоцорсон гэдгийг ч тэд онцолж байгаагаа хэллээ. Хүний эрх, ардчилал, шударга ёсыг бэхжүүлэх, улс орны емне тулгамдаад байгаа асуудлыг шийдвэрлэхэд иргэн бүхэн санал санаачилгатай оролцож, нийгмийн бүх салбарт шинэчлэл хийх шаардлагатай гэж үзэн Ардчилсан хүчний холбооны анхдугаар их хурлаас уриалга гаргажээ. Ногоон эдийн засгийг Монгол Улсын хөгжлийн гол хөшүүрэг гэдгийг хүлээн зөвшеөрөх, ашигг малтмалын салбарт дэлхийн стандартад нийцсэн бодлого хэрэгжүүлэх, боловсрол, эрүүл мэнд, шүүх, хууль хяналтын тогтолцоог шинэчлэхийг уг дурджээ. Ардчилсан хүчний холбооны ерөнхийлегч, УИХ-ын гишүүн З.Энхболд болон холбооны ерөнхий зөвлөлийн гишүүн, УИХ-ын гишүүн С.Эрдэнэ, Г.Баярсайхан нар сэтгүүлчдийн асуултад хариулаа.

-Танай холбоог АН-ыг шинэчлэх зорилгоор энэ холбоог байгуулсан гэж ойлгож болох уу?

З.Энхболд:

Зөвхөн АН-д ч бус, нийгэмд олон асуудал бугшиж байна. Хууль дээдэлдэг, хариуцлагатай нийгэмтэй болох зорилгыг бид тавьж байгаа. Зөвхөн шүүмжилдэг ажилтай бусад улс төрийн хүчнүүдээс ялгарах нэг онцлог Ардчилсан хүчний холбоонд бий. Бид ярьсан бүхнээ ажил хэрэг болгоно. Бидний өерчлөх, шинэчлэх зорилтууд бүгдээрээ бодитой арга хэмжээ байх болно.

-АН МАХН-тай хамтран засгийн эрх барьж байгаа. Гэтэл та бүхэн хамтарсанЗасгийн газрыг шүүмжилж байна. Үүнээс харахад холбоо байгуулахын оронд тусдаа нам байгуулсан нь дээр байгаагүй юм уу?

С.Эрдэнэ:

Бид аль нэг намын эсрэг ийм холбоо байгуулж арга хэмжээ аваагүй. Хамгийн гол нь хамтарсан Засгийн газар боломжийг ашиглахгүй байна. Энэ Засгийн газар юу хийсэн юм бэ гэхээр нэг ч зүйл хийгээгүй байна. Одоо ч Засгийн газар шинэчлэл хийх боломжоо ашиглахгүй байна. Тэдэнд шинэчлэх сонирхол ч байхгүй юм. Бид ийм холбоо байгуулснаар АН-аас салан тусгаарлана гэдэг асуудал байхгүй. Энэ намыг 20 жилийн өмнө бид байгуулсан. Тийм учраас намаас гарах тухай яривал урвасан хэд нь гарна гэхээс биш, бид гарахгүй.

-Тэгвэл танай холбооАН-ыг хамтарсан Засгийн газраас гарах ёстой гэж үзэж байгаа юу?

З.Энхболд:

Ийм явцуу утгаар ойлгож болохгүй. Шинэчлэлийг дорвитой хийх ёстой. Олонхи болсон нь Засгийн газраа байгуулаад явах ёстой. Хуулиа дээдэлдэг болох ёстой гэдэг зарчмыг л баримталж байна.