Улсын Их хурлын чуулганы өнөөдрийн /2019.11.29/ нэгдсэн хуралдаанаар Байгаль орчныг хамгаалах тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг хэлэлцэж байна.

Энэ үеэр УИХ-ын гишүүн М.Билэгт

Бид намын мөрийн хөтөлбөртөө импортлогч орноос экспортлогч орон болно гэж заасан. Гэтэл Монголын үндэсний онцлогт зохицсон эдийн засаг байхгүй ганцхан уул уурхайгаас хараат эдийн засагтай болсон. Иргэд ажилгүй орлогогүй, үндэсний үйлдвэрлэл гэж байхгүй зөвхөн импортлогч орон болсон.

Гадаадаас вальют оруулж ирэх эх үүсвэр хэрэгтэй байна гээд байдаг тэр эх үүсвэрийг бүрдүүлэх бүрэн боломж нь мал аж ахуй салбар байна. Нөхөн сэргээгддэг үндэсний баялагаа дэмжихэд яаралтай арга хэмжээ авахгүй бол болохгүй ээ. Энэ байгаль орчныг хамгаалах хуулийг хэлэлцэхийг би эсэргүүцэж байна. Сайд нь ч байхгүй. Малчидын хөдөө аж ахуйн асуудлыг хэлэлцмээр байна. Одоо эд хүйтэрч зарим аймгийн малчид тасралтгүй 20 30 хоног отор нүүдэл хийж байна.