Мөрөөдлийн газрын зураг сэдэвт сургалтад нийслэлийн төрийн өмчийн ЕБС-иудын нийгмийн ажилтнууд, хичээлийн эрхлэгч нар өнөөдөр хамрагдлаа.

️Хүүхдүүдийн хүсэл мөрөөдлийг илрүүлэн дэмжих, тэдний хөгжил, төлөвшилд эергээр нөлөөлөх, мэргэжил сонголт, ажил-ар гэрийн тэнцвэрт байдлын чиг баримжаа олгох зорилгоор “Мөрөөдлийн газрын зураг бүтээх аргачлал” сэдэвт сургагч багш бэлтгэх сургалтад нийслэлийн төрийн өмчийн 100 гаруй ЕБС-иудын төлөөллүүд оролцож, батламжаа гардан авлаа.

Яг жилийн өмнө “Нийслэлийн боловсрол- Бидний туршлага" үйл ажиллагааны үеэр Боловсролын салбарт 32 дахь жилдээ тасралтгүй ажиллаж байгаа Боловсролын удирдлагын доктор Л.Сосорбарам багшийн хэрэгжүүлж буй "Мөрөөдлийн газрын зураг бүтээх" сургалт, сайн туршлагаар шалгарч байсан билээ.

Тус сургалтыг нээж, нийслэлийн Хүний хөгжил, нийгмийн бодлогын асуудал хариуцсан орлогч Ш.Анхмаа Мөрөөдлөө бодитоор зураглан, түүнд ямар замаар хүрэхээ бодож, тунгаах, шийдэх боломж олгодог энэхүү сургалтыг сурагчиддаа түгээн дэлгэрүүлэхээр хүрэлцэн ирж, идэвхитэй оролцсон багш нартаа баяр хүргэлээ.

Мөрөөдлийн газрын зураг сэдэвт сургалт боллоо