Монгол Улсын нэгдсэн төсвийн нийт орлого 2020 оны эхний 6 сарын байдлаар 4,358.7 тэрбум төгрөгт хүрч, төлөвлөсөн хэмжээнээс 1,212.2 тэрбум төгрөгөөр буурсан.

Дэлхий нийтийг хамарсан коронавируст халдвар (КОВИД-19)-ын цар тахлын улмаас ийнхүү эдийн засгийн өсөлт саарч, улмаар оны эцэст төсвийн орлого буурах нөхцөл байдал үүсээд байгаа тул Засгийн газраас эдийн засгийг идэвхжүүлэх, иргэдийн эрүүл мэнд, орлогыг хамгаалах, аж ахуйн нэгжийг дэмжих арга хэмжээнүүдийг он дуустал үргэлжлүүлэн хэрэгжүүлэх зорилготой 2020 оны төсвийн тухай хуульд өөрчлөлт оруулж, тодотгон баталсан.

Засгийн газраас Ковид-19 цар тахлын эсрэг авч хэрэгжүүлж байгаа арга хэмжээнүүдийн заримыг 2020 оныг дуустал үргэлжлүүлэхээр шийдвэрлэсэн тул ийнхүү төсвөө тодотгох шаардлага урган гарсан.

ИРГЭД, АЖ АХУЙН НЭГЖҮҮД-д зориулж ямар ямар арга хэмжээ 2020 оны төсвийн тодотголд туссан бэ?

Иргэдийн орлогыг хамгаалах, ААН-ийг дэмжих зорилгоор:

1 сая 250 мянган хүүхдэд сар бүр 100 мянган төгрөгийг он дуустал олгоход 1, 92 их наяд төг
60.0 мянган халамжийн тэтгэвэр авагч, 13.3 мянган хөгжлийн бэрхшээлтэй хүүхдийн тэтгэмжийг 8 сарын турш 100 мянган төгрөгөөр нэмэгдүүлэхэд 57.1 тэрбум төг
бага орлоготой өрхийн насанд хүрсэн 124.0 мянган гишүүнд 9 сарын хугацаанд, 117.2 мянган хүүхдэд зургаан сарын хугацаанд хүнсний талоны мөнгийг 2 дахин нэмэгдүүлж олгоход 57.7 тэрбум төгрөг
546.1 мянган даатгуулагчийн төлөх 20-22%-ийн НДШ-ийг 6 сарын хугацаанд 0, 3 сарын хугацаанд 10 хувь байхаар хөнгөлснөөр нийт 880.2 тэрбум төгрөг
1.5 тэрбум төгрөг хүртэл борлуулалтын орлоготой 105 мянган ААН-ийг ААНОТ-аас есөн сарын хугацаанд чөлөөлснөөр 45.0 тэрбум төгрөг
Хувийн хэвшилд ажиллаж байгаа 700 мянган иргэний цалингийн орлогыг ХХОАТ-аас зургаан сарын хугацаанд чөлөөлснөөр 175.0 тэрбум
Түрээсийн төлбөрөө бууруулсан ААН-н түрээсийн орлогод үзүүлэх татварын хөнгөлөлтийг 11 сарын хугацаанд 1000 гаруй ААН, 25 мянган худалдаа эрхлэгчийн түрээсийн төлбөр

Иргэдийн эрүүл мэндийг хамгаалах, урьдчилан сэргийлэх, бэлэн байдлыг хангах зорилгоор:

цар тахалтай нүүр тулан ажиллаж байгаа төрийн албан хаагчдад амны хаалт, хувцас хэрэглэл болон эм, эмнэлгийн хэрэгсэл худалдан авахад 71.0 тэрбум төгрөг,
тусгаарлах байранд ажиллаж байгаа эмч, ажилчдад илүү цагийн хөлс, тэдний ар гэрт дэмжлэг олгоход 10.1 тэрбум төгрөг, тусгаарлах байрны бэлэн байдлыг хангахад 9.3 тэрбум төгрөг,
улирлын томуу, коронавирусын эсрэг вакцинд 22.3 тэрбум төгрөг,
сувилагч мэргэжлээр суралцагчийн сургалтын төлбөрийн хөнгөлөлтөд 5.9 тэрбум төгрөг тус тус зарцуулна.

Хүүхдийн 100 мянган төгрөгийг он дуустал олгоход 1,92 их наяд төгрөг зарцуулна