Б.Энх-Амгалан гишүүн тойрогтоо ажиллалаа

2021.03.15

Б.Энх-Амгалан гишүүн тойрогтоо ажиллалаа

УИХ-ын гишүүн Б.Энх-Амгалан Монгол Улсын Их Хурлын даргын захирамж, Улсын Онцгой комиссын даргын томилгоогоор тойрогтоо буюу Говь-Алтай аймагт ажиллалаа. Орон нутагт ажиллахдаа УОК, ДЭМБ-аас өгсөн зөвлөмж, чиглэл, цар тахлын үеийн дэглэмийг чанд баримтлан ажилласан байна.

Өнгөрөгч жил Говь-Алтай аймгийн нийт нутаг дэвсгэрийн 80 гаруй хувьд зуншлага тааруу байснаас үүдэн өвөлжилт, хаваржилт хүндэрч 100 гаруй мянган толгой мал хорогдоод байна. Говь-Алтай аймгийн ард иргэдийг төлөөлсөн УИХ-ын гишүүний хувьд хаваржилт хүндрээд буй цаг үеийн нөхцөл байдалтай газар дээр нь танилцжээ.

Мөн малчид иргэдийн санал бодлыг сонсох, эрсдлийн үнэлгээ хийх, сэтгэлийн дэм үзүүлэхээр 5 ДАХЬ УДААГИЙН ТУСЛАМЖИЙН ЦУВАА-г гишүүн өөрийн биеэр авч очсон боловч Аймгийн Онцгой комисс шуурхай хуралдаж, 24 цагийн дотор орон нутгаас гарах шаардлага тавьсныг хүндэтгэн заасан хугацаанд нь багтаж буцсан байна.

5 ДАХЬ УДААГИЙН ЦУВАА-нд тусгайлан үйлдвэрлэгдсэн 300тонн хорголжин тэжээл болон хивэг (50 хувийн хөнгөлөлттэй олгох),200 багц хүнсний бүтээгдэхүүн, 100 багц эм бэлдмэл, витамины нэмэгдэл зэргийг малчдад хүргүүлэхээр Говь-Алтай аймгийн Онцгой байдлын газарт хүлээлгэн өгчээ.

Түүнчлэн аймгийн Эрүүл_мэндийн газарт 2021 оны Улсын төсвийн хөрөнгө оруулалтаар хийгдэх 585 сая төгрөгийн өртөг бүхий хүчилтөрөгчийн бэсрэг үйлдвэр, Азийн хөгжлийн банкны буцалтгүй тусламжаар 280 сая төгрөгийн өртөг бүхий ПСР-ийн шинжилгээний лаборатори, Нуклейн хүчил ялгах бүрэн автомат иж бүрэн тоног төхөөрөмжийг нийлүүлсэн батламж болон 4000 ширхэг маск, халдвар хамгааллын хувцас хэрэгслийг хүлээлгэн өглөө.

Харин өмнөх 4 удаагийн өвс тэжээл, тусламжийг Ерөнхий сайдын багцаас, Засгийн газрын нөөцөөс, Улсын нөөц, Дэлхийн банк болон бусад эх үүсвэрээс хүргүүлсэн болохыг нутгийн зон олондоо тайлагнасан.

Үүнд:

ЦУВАА1 - Засгийн газрын 2021 оны 138 дугаар тогтоолоор Говь-Алтай аймагт өвс тэжээлийн нөөц бүрдүүлэхэд #250сая төгрөгийн санхүүжилт, Дэлгэр сумын отрын бүс нутгийн нөөцөд ногоон тэжээл 87.5 тн, хивэг 50 тонн-ийг олгуулсан.

ЦУВАА2 - 2021 оны 01 дүгээр сарын 6-ны өдөр Говь-Алтай аймгийн 10 сумдын 4,200 малчин өрхөд 1,1 тэрбум төгрөгийн тэжээл хүргүүлсэн.

ЦУВАА3 - 2021 оны 01 сарын 15-ны өдөр Говь-Алтай, Архангай, Баянхонгор, Дундговь, Өвөрхангай, Төв аймгийн 53 сумын зорилтот бүлгийн 1000 малчин өрхөд 405 тонн хорголжин тэжээл, 50 тонн уургаар баялаг рапсын шахдас, 5 тонн амин дэм эрдсийн нэмэлтүүдийг хүргэх тусламжийн цувааг илгээсэн.

ЦУВАА4 - 2021 оны 02 дугаар сарын 08-ны өдөр Говь-Алтай аймгийн хаваржилт хүндэрсэн 10 сумдад 350 тонн малын тэжээл ачуулав.

Эдгээр тусламжийн багцуудыг Аймгийн онцгой комисс хаваржилт хүндэрсэн сум, отрын бүс, зорилтот бүлэгт, тусламж хэрэгтэй байгаа малчдад олгох үүрэгтэй. Нам эвсэл, ах дүү, танил тал, албан тушаалын хуваарилалт хийхгүй, шударга ёсыг баримтлан шилэн байдлаар түгээн олгох шаардлагатайг анхааруулж байсан билээ.
Зарим малчид, иргэд аймагт очсон тусламжаас авч чадахгүй байгаа тухайгаа удаа дараа илэрхийлж байна. Мөн аймагт хүргэгдсэн тусламжийн тэжээлүүд үйлдвэрийн хашаанаас ачигдсан байтал очоод чанарын шаардлага хангахгүй байдлаар солигдсон байж болзошгүй тухай ч ярьж байна.

Өвс тэжээлийн хуваарилалтыг Их Хурлын гишүүд биш Аймгийн Онцгой комисс хийх тул тусламжаа авч чадахгүй байгаа малчид, иргэд хүсэлтээ АОК-т илэрхийлэх хэрэгтэйг гишүүн зөвлөж байснаас гадна
цаашид илгээгдсэн тусламжийн хуваарилалтад хяналт тавих болно гэдгээ илэрхийлж байсан юм. Аймгийн Онцгой комисс тайлан ирүүлэх үүрэгтэй. Ард иргэд давхар хяналт хийх ёстой гэдгээ мартаж болохгүй.