УИХ-ын Аюулгүй байдал, гадаад бодлогын байнгын хорооны өнөөдрийн /2021,04,28/ хуралдаанаар Шадар сайд С.Амарсайхан Коронавируст халдвар /Ковид19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн биелэлтийг хянах, санал дүгнэлт гаргах гишүүдэд цаг үеийн нөхцөл байдлын талаар танилцуулга хийлээ.

Хэлэлцэж байгаа асуудалтай холбогдуулан УИХ-ын гишүүд асуулт асууж, санал хэллээ.

УИХ-ын гишүүн Б.Жаргалмаа:

Вакцинжуулалтын ажлын хэсэгт ажиллаж байгаа учир түр хорооны хуралд сууж үг хэлэхийг хүссэн юм. Өглөө арван цаг дөчин минутаас эхлүүлэн арван нэг цаг гучин минут хүртэлх хугацаанд ХӨСҮТ-д оочирлон вакцинжуулалтад хамрагдлаа. Оочирлохгүй байх боломж байсан, гэхдээ нийтийг хүндлэх үүднээс иргэдтэй харилцан яриа хийсэн юм.

Иргэд эерэг хандлагатай байж, ХӨСҮТ-ийн эмч ажилчид ажил үүргээ зохион байгуулалттай биелүүлж байгаад талархаж байна. Гэхдээ олон хүн хамрагдаж байгааг ажиглалаа, нийт 25000 тун Пайзер вакцин орж ирсэн бөгөөд нэгдүгээр эмнэлэг гэх мэт газруудад хийлгэж байсан бол хоёр дахь тунгаа ХӨСҮТ-д төвлөрүүлэх болсноор их дараалал үүсч байна.

Эмч,мэргэжилтнүүд урамшуулал цалинг аваагүй байна? ХӨСҮТ нь өөрийн төсвийн сангаас дотоодын хэргэцээгээ зохицуулж байгаа, мөн ирэх намар ажичиддаа цалин тавих асуудалтай болж байгааг анхаараасай гэж хүсч байна. Вакцинаа өглөө хийлгэсэн иргэд цагийн хягаарлалт QR кодгүй учир гэртээ харих боломжгүй болж эмнэлгийн ойр орчим хүлээж харих тохиолдол их байна. Тус асуудлыг яаралтай анхаарах хэрэгтэй байна. Өндөр настай, хууч өвчин зовлонтой иргэд их учир хүндрэлтэй байгаа юм.

Энхболд сайдаас асуулт асууя? Австрийн засгийн газраас орж ирэх 7 сая еврогийн үнэ бүхий “Тархины хавдрын туяа эмчилгээний аппарат”-ийн хөрөнгийн үнэлгээ хийгдэхгүй байвал мөнгөө алдах хэмжээнд хүрч буйг эмнэлгийн ажилчид ярьж байна. Бид өөрсдийн анхааралгүй байдлаас үүдэн буцалтгүй тусламж буцаж байсан удаатай, шаардлага үгүй зүйлд хөрөнгө зарцуулсан гэж яригдаж байсан билээ. Тиймээс халдвар өвчин нэмгэдэж байгаа тул дахин пайзер вакцин оруулж ирэх боломж байгаа юу? Вакцинд хамрагдаад гэртээ харьж чадахгүй байгаа иргэдийн цаг дээр зохицуулалт хийх санал дэвшүүлж байна.

Сэтгүүлч

Сэтгүүлч Ц.Соёлмаа soyolmaa@vip76.mn