2021.04.29

С.Чинзориг: Орон нутгийн эмнэлгийн ажилчдад хамгаалах хэрэгсэл, оношлуурыг нэмж хангах шаардлагатай байна

УИХ-ын нэгдсэн чуулганы өнөөдрийн /2021.04.29/ үдээс хойших хуралдаан үргэлжилж байна. Хуралдаанаар “Монгол Улсад үүсээд буй коронавируст цар тахлын нөхцөл байдал, авч хэрэгжүүлж байгаа арга хэмжээний явц, үр дүнгийн талаар” Монгол Улсын Засгийн газрын мэдээллийг сонслоо.

Энэ асуудалтай холбогдуулан гишүүд асуулт асууж, хариулт авлаа.

УИХ-ийн гишүүн С.Чинзориг: 

"Цар тахлын хүнд нөхцөлд ажиллаж байгаа орон нутгийн эмнэлгийн ажилтнуудад илүү цагийн цалин олгогдохгүй байгаа юм байна. Тус цалингийн асуудлыг богино хугацаанд шийдэх боломж байна уу? Мөн орон нутгийн эмнэлгийн ажилчдад хамгаалах хэрэгсэл, оношлуурыг нэмж хангах шаардлагатай байна, энэ суудлыг хэлэлцэж авч арга хэмжээ авна уу? Орон нутагт халварын голомт үүссэнтэй холбоотой удирдах ажилтнууд эмнэлгийн төсвөөс гараж байгаа талаарх мэдээлэл ирж байна.

Жишээ нь Өвөрхангай аймаг 290 сая төгрөгийн зардал гаргасан байна, тус асуудлыг УОК-оос шийдэж өгнө үү? Орон нутгийн нөөц бололцоо шавхагдах хэмжээнд хүрсэн байна. Мөн нийслэлийн хмжээнд хоёр дахь тунг зургаан сар гэхэд хийж дуусгах төлөвтэй байна гэлээ.

Хөдөө орон нутгийн вакцинжуулалт хэзээ дуусах вэ? Судалгаагаар орон нутгийн иргэдийн 14 хувь нь эхний тунд хамрагдсан гэж харж байна. Иймд орон нутгийн вакцинжуулалтыг тавдугаар сар гэхэд нэгдүгээр тунг хийж дуусгах боломж байна уу? 2021 онд улсын төсөв батлахдаа орон нутагт өвөл, хаваржилтийн хүндрэлд зарцуулах гурван тэрбум төгрөгийн төсөв батласан юм. Тус мөнгөний нэг тэрбумыг Өвөрхангай аймгийн малчдад өвөл болон хаваржилтийн хүнд нөхцөлд олгох зардлыг таван сард авах хүсэлтэй байна.

Орон нутгийн төсвөөс 800 сая төгрөгийг гаргасан байгаа учир ойрын хугацаанд шийдэж өгнө үү? Эцэст нь говийн Баруун баян улаан, Төгрөг гэсэн хоёр сумийн эмнэлэг түргэн тусламжийн машингүй болсон байна сайдаа? Одоо болтол шийдэж өгөөгүй уир тус хоёр аймгийн түргэний машины асуудлыг шийдэж өгнө үү?"

Түүний хариултад Монгол улсын шадар сайд С.Амарсайхан хариуллаа.

Сэтгүүлч

Редактор Ц.Соёлмаа soko@vip76.mn