НИТХ-ын төлөөлөгч З.Төмөртөмөө, холбогдох албан тушаалтнууд Zeneral Heat Pump компаний төлөөлөгч Казуо Сасакитай уулзлаа.

Уулзалтын үеэр Zeneral Heat Pump компанийн зүгээс Нийслэлд 3.2 тэрбум төгрөгийн үнэ бүхий газрын гүний дулааны насос, иж бүрэн тоног төхөөрөмжийг буцалтгүй тусламж болгон бэлэглэж буйгаа мэдэгдсэн юм.

Нийслэлийн хувьд төвийн шугамд холбогдох боломжгүй, түүхий нүүрс хэрэглэдэг алслагдсан сургууль, цэцэрлэгийг газрын гүний дулаанаар хангаж, хүйтэн сэрүүний улиралд дулаан байлгах ажлыг үе шаттайгаар нэвтрүүлэхээр зорилт тавин ажиллаж байна.