Монгол Улсын 2022 оны төсвийн тухай хуульд өөрчлөлт оруулах тухай, Нийгмийн даатгалын сангийн 2022 оны төсвийн тухай хуульд өөрчлөлт оруулах тухай, Ирээдүйн өв сангийн 2022 оны төсвийн тухай хуульд өөрчлөлт оруулах тухай хуулийн төслүүдийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн С.Чинзориг: 

Хэмнэлтийн тухай хууль дээр баримтлах зарчмын талаар орж ирсэн байна.Чанга, хатуу байх гэсэн хуулийн хэллэг байхгүй, энэ ямар зарчим бэ.Эсрэг тэсрэг 2 зүйл оржээ, эхлээд энгийн хялбар тэгээд чанга хатуу зарчим байна гэсэн байна, энэ ойлгомжгүй байна.

Агентлаг, төрийн өмчийн байгууллагуудын орлогч дарга нарыг цомхтгох асуудал яригдаад байгаа юм. 400 ажилчдаас дээш бол дэд даргатай байж болно гэж ажлын хэсгийнхэн хэлж байгаа. Миний хувьд 100 гаас дээш ажилчидтай бол дэд даргатай байж болно гэсэн санал байнгын хороон дээр гаргасан юм. Энэ 400 гэдэг тоог ямар, тооцооллоор яаж гарсан бэ. Засгийн газар Ковидын хуулиар хууль зөрчөөд агентлагийн дарга нарыг байлгаж байгаа. Харин дэд дарга нар төрийн захиргааныхаа төрийн албаны шалгалтаа өгсөн мэргэшсэн албан хаагчид байгаа.Түр томилогдсон агентлагийн дарга нараа чөлөөлөөд орлогч дарга нараа ажиллуулах хэрэгтэй. Шударга ёсоо дагаж, зарчмаа баримталж ажиллаарай.

Одоо хувьчлал хийх нь тохиромжгүй. 1990-ээд онд хувьцааны талаар иргэд ойлголт муу байхад хувьцаа тараагдаж цөөхөн мэдлэгтэй хэд нь авсан, тэгээд баян, ядуугийн ялгаа тэнгэр газар шиг болсон. Гэтэл өнөөдөр иргэд орлого муутай байхад хувьчлал явуулаад авах хүн байхгүй, авбал орлого төвлөрсөн хэдхэн хүн л авна. Энэ удаагийн хувьчлалыг дэмжихгүй. Орон нутагт хийгдэх хөрөнгө оруулалтаас 100 тэрбумыг хасаад нийслэлд тавьсан. Энэ мөнгөөрөө цэцэрлэг барь. Хот, хөдөөгийн ялгаа гаргаж болохгүй. Хувийн цэцэрлэгт хүүхэд явуулбал хувьсах зардлыг 2 дахин өгнө гэсэн ийм ялгаа гаргаж болохгүй. Энэ чинь Үндсэн хууль зөрчинө. Яагаад хөдөө орон нутгийн хувийн цэцэрлэгт хувьсах зардал өгөхгүй гэж.

Түүний асуултад УИХ-ын гишүүн Х.Хүрэлбаатар хариуллаа.  

Сэтгүүлч

Сэтгүүлч Ц.Соёлмаа soyolmaa@vip76.mn