Баянзүрх дүүргийн үерт өртсөн хороод болон 127 дугаар сургууль дээр байрлах дүүргийн онцгой комиссын штабт 8 дугаар сарын 5-наас эхлэн ХНХ-ын сайд Х.Булгантуяа, ХНХ-ын дэд сайд С.Зулпхар, сайдын зөвлөх Т.Бат-эрдэнэ, ХНХЯ-ны Төрийн нарийн бичгийн дарга Э.Ганхүү, тус яамны төрийн захиргаа удирдлагын газрын дарга Ч.Цэвэгдорж, Нийгмийн халамжийн бодлогын хэрэгжилтийг зохицуулах газрын дарга Б.Ундрал, ХХҮЕГ-ын Хяналт шинжилгээ үнэлгээ мониторингийн газрын дарга М.Мянганбуу, Нийслэлийн ХХҮГ-ын дарга Ц.Мөнхбаяр, Нийслэлийн халамжийн газрын Нийгмийн халамжийн хэлтсийн дарга Л.Дуламсүрэн нар очиж холбогдох албан тушаалтнуудад зохих чиглэл зөвлөмж өгч ажиллав.

Үерт өртсөн 356 өрхийн 47 нь гэр оронгүй болсон. Нийслэлийн Засаг даргын нөөц хөрөнгөөс санхүүжүүлэн тэдгээр өрхүүдэд эхний 20 гэрийг гардуулж, айлууд шинэ гэртээ төвхнөж эхэлсэн. Нийслэл, дүүргийн онцгой комисс шуурхай ажиллаж газар болон дэд бүтцийн асуудлыг шийдвэрлэсэн бол Хөдөлмөр, халамжийн асуудал хариуцсан мэргэжилтнүүд шаардлагатай тусламж дэмжлэгийн судалгааг гарган ажилласан юм.

Шинэ суурьшлын бүсэд Хөдөлмөр, нийгмийн хамгааллын сайд Х.Булгантуяа ажиллаж, гэр авсан иргэдийн санал сэтгэгдэл, шаардлагатай асуудлыг тодруулан ажиллалаа.

Мөн Нийслэлийн Жижиг дунд үйлдвэрийн газраас хандивын бараа материалыг Шурхай штабт гардуулсан юм.

Үерт өртсөн 1400 гаруй иргэн 356 өрх бий

Мөн иргэд аж ахуйн нэгж байгууллагууд хандивын аян өрнүүлж, тусламж дэмжлэг үзүүлсээр байгаад ХНХ-ын сайд Х.Булгантуяа талархал илэрхийлээд үерт өртсөн бусад айл өрх, хүүхэд, хөгжлийн бэрхшээлтэй иргэн, ахмадуудад хуульд заасны дагуу нийгмийн халамжийн тусламж дэмжлэгийг үзүүлэхэд анхаарч ажиллахаа илэрхийллээ.