Олон улсын валютын сан(ОУВС), Дэлхийн банкны жилийн ээлжит уулзалтын хүрээнд ОУВС-ийн гүйцэтгэх захирал Кристина Жоржиеватай Сангийн сайд Б.Жавхлан, Монголбанкны ерөнхийлөгч Б.Лхагвасүрэн нарын хамтаар уулзлаа.

ОУВС-ийн гүйцэтгэх захирлын зүгээс Монгол Улс ковид болон ковидын дараах хүндрэлийг амжилттай даван туулсныг онцолж цаашид төсөв, мөнгөний бодлого уялдаатай авч явах, олон улсын байдал тогтворгүй байгаа энэ үед хангалттай эрсдэлийн нөөц бүрдүүлэхэд анхаарахыг уламжиллаа.

Мөн ОУВС-ийн удирдлагуудын зүгээс төсвийн тогтвортой байдал, сахилга батыг бэхжүүлэхэд чиглэсэн "Төсвийн шинэчлэл"-ийн хуулиудыг УИХ-аас баталсныг сайшааж, хуулийн хэрэгжилтийг бүрэн хангаж ажиллахыг уриалж байна.