Хутаг-Өндөр сум нь Хатанбаатар Магсаржавын төрсөн нутаг. Энэ утгаараа түүх дурсгалын газар элбэгтэй. Тус сумын хувьд засаг захиргааны удирдлага, нийгмийн үйлчилгээг иж бүрнээр хүргэж, эрчимжсэн хөдөө аж ахуйтай, үйлдвэрлэл, үйлчилгээний бүсийн тулгуур төв болох алсын харааг дэвшүүлэн ажиллаж байгаагаа сумын удирдлагууд хэлж байна.

Төв зам дагуу байршдаг давуу талаа ашиглан бүсчилсэн хөгжлийн бодлогод тулгуурлан тойргийн сумдтай нээлттэй хамтран ажиллах замаар сумдын хөгжлийн төв болох зорилготой. Аймагтаа хүн амын хувьд ядууралгүй, эрүүл, боловсролтой, эдийн засгийн хувьд хөдөө аж ахуйн үйлдвэрлэлийг эрчимжүүлэн хөгжүүлж, түүндээ түшиглэсэн жижиг дунд үйлдвэрлэл, дэд бүтэц бүрэн хөгжсөн сум болохоор ажиллаж байна.
Энэ хүрээнд сумын Эрүүл мэндийн төв гэхэд Тэшиг, Баяг-Агт, Сайхан зэрэг сумын иргэдэд үйлчилгээ үзүүлж байна. Ингэснээр жилд өөрийн болон зэргэлдээ сумдын 16 мянган хүнд эрүүл мэндийн тусламж үйлчилгээ үзүүлж, энэ хэрээр техник, тоног төхөөрөмж, хүний нөөцийн чадавх өндөртэй бүс дундаа өрсөлдөхүйц болж чаджээ.