УИХ-ын чуулганы /2025.01.09/-ний өдрийн хуралдаанаар “ Үндэсний баялгийн сангийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн  төслийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн А.Ариунзаяа: 

Үндэсний баялгийн сан хуримтлалын сан байгуулах, түүнчлэн олон улсын туршлагыг судлах ажил маш удаан хугацааны явцад байсан. Жишээлбэл, Монголын төр засгийн зүгээс төлөөлөгчид Сингапур,Норвегт маш олон танилцах айлчлалуудыг зохион байгуулсан байдаг .Ерөнхий сайд Оюунэрдэнэ түүний кабинет энэ түүхэндээ баялгийн сан хуримтлалын санг байгуулсан гэдэг автор болж, үүнийг байгуулж чадсан. Ерөнхий сайд Оюунэрдэнэ Хэрэг эрхлэхийн сайд байхдаа Сингапур болон Норвегидтанилцах айлчлалыг хийсэн.

Ерөнхий сайдаар ажиллаж байхдаа 2021, 2022 онд Сингапурт бас айлчлал хийхэд би Хөдөлмөрийн нийгмийн хамгааллын сайд байхдаа хамт явж байсан. Тэгээд энэ хуримтлалын нэгдсэн санг байгуулах ажлыг Сингапуртай хамтран ажиллах гэрээ, хэлэлцээрийг байгуулж байсан юм. Хуримтлалын нэгдсэн санг байгуулах урьдчилсан ажлуудыг ч гэсэн НХХ-ын яаман дээр хийгдээд яг одоо хэрэгжиж байгаа. Хуулийнхаа дагуу тэтгэврийн даатгалын 17%-ийн шимтгэлээс, 2%-ийг нь яг бодитой мөнгөн хэлбэрээр нь одоо хуримтлуулж бодит энэ хуримтлалын сангийн тогтолцоог нь хагас хуримтлалын санг нэвтрүүлээд явж байгаа. Цаашид энэ хуримтлалын сан, баялгийн сангаа классик загвараар нь хөгжүүлэх хэрэгтэй. Тухайн үед Учрал сайд Сингапур луу явахад яг энэ туршлагыг хамтдаа харж байсан Сингапур улсын хувьд 1955 онд энэ хуримтлалын санг байгуулаад, 13 жил хуримтлуулж байгаад, орон сууц, эрүүл мэнд, боловсрол.

Мөн дээрээс нь тэтгэвэрт зарцуулах энэ боломжийг нь нэмэгдүүлж байсан. За манай баялгийн сан болон хуримтлалын сан, хуримтлалын сан тусдаа тэтгэврийн даатгалын 2%-ийг тусад нь нэг байгаад, тусдаа менежменттэй байх гээд байна. Баялгийн сан нь орон сууц боловсрол, эрүүл мэндэд зарцуулагдаад тусдаа байх гээд байна. Гэтэл баялгийн сангаасаа орон сууц эрүүл мэнд орон сууц боловсрол эрүүл мэндэд зарцуулахгүй. Хүн өндөр насны тэтгэвэр дээрээ авдаг байх зарчмыг хэрэгжүүлэх боломжтой юу? Цаашдын энэ классик загвар луу нь оруулах тал дээр ямар төлөвлөгөөтэй байгаа вэ?

Түүний асуултад УИХ-ын гишүүн, Засгийн газрын хэрэг эрхлэх газрын дарга Н.Учрал хариуллаа.

Сэтгүүлч

Сэтгүүлч Ц.Соёлмаа soyolmaa@vip76.mn