УИХ-ын чуулганы /2025.01.23/-ны өдрийн хуралдаанаар Төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төсөл болон хамт өргөн мэдүүлсэн хууль, тогтоолын төслүүдийн хэлэлцэх эсэхийг хэлэлцлээ.

Уг асуудалтай холбоотойгоор гишүүд асуулт асууж, үг хэллээ.

УИХ-ын гишүүн Ж.Баясгалан: 

Хариуцлагын асуудал дээр маш сайн анхаарч ажиллаарай. Төрийн өмчит компаниудыг татан буулгах шийдвэр гарсны дараа өмнө нь ашиггүй ажиллуулсан, алдаа байсаар байтал яагаад нуун дарагдуулсан юм гэх удирдлагуудад авах арга хэмжээн дээр хатуу байгаарай. Тэгэхгүй бол хууль тогтоомж баталж, өөрчилж байгаа хэрэг гарахгүй. Арга хэмжээ авах хүмүүст нь зайлшгүй арга хэмжээ авах ёстой. Төрийн өмч эзэнтэй гэдгийг ойлгуулахгүй бол төр үнэгүйдэж байна. Эзэн биегүй болчхоод байгаа учраас төрийн өмчит компанийн захирлуудын гаргаж байгаа алдаа үүн дээр байна. Өнгөрсөн жил ашиггүй, алдаатай ажилласан компанийн удирдлагуудад хариуцлага авах хэрэгтэй.