Улаанбаатар хотыг 2040 он хүртэл хөгжүүлэх төвөвлөгөөнд санал өгөх аян үргэлжилж байгаа. УИХ-ын Ж.Золжаргал инженер гишүүний хувьд саналаа өгснийг хүргэж байна. 

•  Хуучирсан орон сууцуудыг дахин төлөвлөх болон гэр хороололд хувийн сууц төлөвлөхдөө эрчим хүчний хэмнэлтийн “А түвшинд” нийцсэн байх гэсэн шаардлага тавьсан нь хэт өндөр, түгээмэл бус технологийг дэмжсэн мэт байна. Үүнээс үүдэн амьдралаас хэт тасарсан шалгуур тогтож, барилгын өртөг өсөж, ипотекийн зээл хүртээмжгүй болно. Олон улсад эрчим хүчний хэмнэлтийн A, B, C, D түвшинг ашигладаг ба С-ээс дээш 20%-ийн хэмнэлттэй байхад шалгуурыг хангасан гэж үздэг. Иймд энэ жишгийг дагах.
• Гэр хорооллын барилгажилттай холбоотойгоор төлөвлөсөн дулааны эх үүсвэрүүдийг дулаан цахилгааны хосолсон эх үүсвэр болгон өөрчилж үр ашгийг нэмэгдүүлэх.
• Улаанбаатар хот 2030 оноос хойш хатуу түлш хэрэглэхгүй гэсэн зорилт тавьсан байна. Тийм бол Багануурт их хэмжээний хөрөнгө оруулалт зарцуулж хөх нүүрсний үйлдвэр барихын оронд ямар ч эрсдэлгүй бөгөөд хэрэгцээтэй байгаа дулааны цахилгаан станцаа байгуулах.
•  Багануурт нүүрс химийн үйлдвэрлэл байгуулахдаа түр зуурын хөх нүүрсний оронд хий, шингэн түлш, нийлэг материалын үйлдвэр байгуулахыг зорих, энэ чиглэлээр өмнө төрөөс зардал гаргаж бэлдсэн судалгааны ажил, төслүүдээ үргэлжлүүлэх.
• Монгол Улсын иргэд 0.07 га газраа эзэмших эрхтэй. Дагуул хотууд, шинэ суурьшлын бүсийн хүрээнд хэсэг хүмүүс танил тал, улс төрд ойр байдлаа ашиглан том газар авч байгаа мэдээлэл байна. Иймд шинэ суурьшлын бүсүүдэд инженерийн дэд бүтэц, газар төлөвлөлттэй уялдаатайгаар иргэдэд 0.07 га талбайг өмчлүүлэх, эзэмшүүлэх.
• “Дүүжин тээвэр” төслийг хэрэгжүүлэх нь шаардлагатай эсэхийг эргэж харах. Метроны төлөвлөлтийн урд шугам нь Яармагийн зам хоорондын зай, шинэ гүүр зэрэг хямд өртөгтэй BRT, LRT трамвайд тохиромжтой байдлаар төлөвлөгдсөн тул зардал хэмнэх боломжийг анхаарах 

УИХ-ын гишүүн, инженер Ж.Золжжаргал