Дөрвөн жил тутамд зохион байгуулдаг тусгай олимпын наадам энэ жил Итали Улсын Турин хотноо зохион байгуулагдсан бөгөөд манай улсын баг 24 тамирчны бүхэлдэхүүнтэйгээр өрсөлдсөн билээ.

Цасны гуталтай гүйлтийн төрөлд оролцсон МТОХ-ны тамирчин, Сагсай сумын харьяат, Өлгий хотын 2 дугаар ЕБС-ийн 8 дугаар ангийн сурагч Өнербекийн Елмирза 200 метрийн зайд өрсөлдөж хүрэл медаль, 100 метрийн зайд дахин өрсөлдөж амжилтаа ахиулан мөнгөн медаль хүртсэнээр тус олимпын наадмын хос медальтан болж амжилт үзүүллээ.

Тус наадамд дэлхийн 100 орны 1500 тамирчин, 1000 багш дасгалжуулагч, 2000 сайн дурын ажилтан, 100 орчим залуу манлайлагчид, 500 хэвлэлийн мэдээллийн байгууллагын төлөөлөгчид болон 1300 гаруй хүндэт зочид урилгаар оролцсон байна.

Тус олимпод амжилттай оролцсон Монгол Улсын баг тамирчид болон хос медаль хүртсэн Ө.Елмирзад баяр хүргэж, УИХ-ын гишүүн С.Зулпхар, Х.Жангабыл нар хүлээн авч уулзлаа.