Аж үйлдвэр, эрдэс баялгийн сайд Туваан Ц.Туваан өчигдөр /2025.03.19/ БНЭУ-ын Элчин сайд Атул Малхари Готсурвег хүлээн авч уулзаж, Газрын тос боловсруулах үйлдвэрийг хугацаанд нь ашиглалтад оруулах ажлыг эрчимжүүлэх чиглэлээр санал солилцлоо.

Уулзалтаар газрын тос боловсруулах үйлдвэрийн тулгамдсан асуудлуудыг шийдвэрлэхэд Элчин сайдын зүгээс идэвхтэй хамтран ажиллаж байгаад, мөн БНЭУ-ын Засгийн газрын Техник-эдийн засгийн хамтын ажиллагааны (ITEC) тэтгэлэгт хөтөлбөрт Газрын тос боловсруулах үйлдвэрийн инженерүүд болон ШУТИС-ийн оюутан, багш нарыг хамруулах ажлыг шуурхай зохион байгуулсанд БНЭУ-ын Элчин сайд Атул Малхари Готсурвед талархал илэрхийлжээ.

Монгол Улсын Засгийн газраас хэрэгжүүлж буй 14 мега төслийн нэг болох Газрын тос боловсруулах үйлдвэр байгуулах төслийн сүүлийн буюу Лицензтэй технологийн байгууламжууд (EPC 04)-ыг барьж байгуулах Ерөнхий гүйцэтгэгчээр БНЭУ-ын “Megha Engineering and Infrastructure Limited” (MEIL) компани шалгарсан байдаг. Өөрөөр хэлбэр үйлдвэр нь Нийт 12 технологийн байгууламжтай байх бөгөөд эдгээрийн 7 нь Гүн боловсруулалтын лицензтэй технологийн байгууламжууд юм. Уг 7 байгууламжийг барих ажлыг MEIL компани гүйцэтгэхээр болсон билээ.