УИХ-ын дарга Д.Амарбаясгалан Их Британи, Умард Ирландын Нэгдсэн Хаант Улсад хийж буй албан ёсны айлчлалын хүрээнд Окфордын их сургуульд зохиогдож буй олон улсын хурал дахь монгол судлаачидтай уулзсан байна. Энэ үеэр МУИС-ийн доктор, профессор хүний хувьд УИХ-ын гишүүн Д.Бум-Очирын сэтгэгдлийг хүргэж байна. 

Тэрбээр "Оксфордын Их Сургуулийн Газар зүй, Байгаль Орчны сургууль нь Дэлхийд ранкаараа 1 номерт эрэмбэлэгддэг. Дэлхийд алдартай сургууль Монголын газар зүйн асуудлыг хөндөнө гэдэг маш чухал ач холбогдолтой. Тэд дараах 2 асуудлыг судалж байна.

• Газар хөдлөлт
• Бөхөнгийн дунд гарч буй халдварт өвчин болон вакцинжуулалт

Зөвхөн сургууль төдийгүй судлаач эрдэмтэд нь дэлхийн чансааны дээгүүрт ордог хүмүүс манай улсыг судална гэдэг Монгол судлал өргөжин тэлж буй онцгой үйл явдал юм. Харин нөгөө талдаа бид, бодлого боловсруулагчид энэ судалгааг үйл хэрэгтээ хэрхэн авч тусгах вэ гэдгийг бодох ёстой. Уул нь улс төр болоод ШУ 2 зэрэгцэж явах ёстой. Улс төрийн аливаа бодлого шийдвэр заавал судалгаанд суурилсан байх ёстой. Тэр тусмаа Дэлхийн шилдэг сургуулиудын судлаачид монголын эрдэмтэдтэй хийсэн энэ мэт судалгааг бид үйл хэрэгтээ авч хэрэгжүүлэх ёстой" гэлээ