Наурызын баярын онцлогийг таниулах нээлттэй өдөрлөг өнөөдөр (2025.03.22.) Сүхбаатарын талбайд зохион байгуулж байгаа бөгөөд иргэдийг Наурызын баялаг ширээ зассан гэрээр зочилж уламжлалт идээ, зоог, амттан хүртэхийг, өв соёлтой танилцахыг урьж байгаа юм байна.

Наурыз бол ямар нэгэн шашны баяр бус, байгаль эхтэйгээ хүйн холбоотой хүн төрөлхтний баяр юм. Хахир өвлийн хүйтнийг өнтэй даван, хаврын урь орж, хүн амьтны зоо тэнийсэн, өдөр шөнө тэнцэн гэрэл гэгээ нэмсний баяр билээ.

2010 онд НҮБ-ын Ерөнхий Ассамблейн 64 дэх хуралдааны үеэр Наурызыг Олон улсын баяр болгон баталсан. ЮНЕСКО 2012 оны есдүгээр сарын 30-нд Наурыз баярыг Дэлхийн халдашгүй соёлын өвд бүртгэсэн баяр юм.