Казах түмэн маань өвөг дээдсээсээ уламжлан ирсэн нарны буюу “НАУРЫЗ” баярыг өдөр шөнө тэнцэх билигт сайн цагт тэмдэглэж, шинэ оны энэ өдөр ахан дүүс, хотол олноороо учран золгож, буянтай буурлуудынхаа сургаал айлтгалыг сонсдог уламжлалтай билээ.
“НАУРЫЗ” баяр бол урин хавартай золгосныг угтан, улиран одож буй оныхоо ололт амжилтыг дүгнэж, ирж буй жилийнхээ өнгө төлөвийг билэгдэн тодорхойлдог Казах түмний үндэсний соёл, ёс заншил, найрамдал нөхөрлөлийн салшгүй хэсэг юм.Энэ ч утгаараа Нэгдсэн Үндэсний Байгууллага Наурыз баярыг Олон улсын баяр болгон тэмдэглэж байхаар зарлан тунхагласан түүхтэй. Тиймээс Казах түмэн маань үеийн үед уламжлан ирсэн ёс заншил, соёл иргэншлээ Наурыз баяраар дамжуулан дэлхий дахинд түгээн дэлгэрүүлэх, таниулах онцгой ач холбогдолтой юм. Түүнчлэн олон ястан үндэстний өлгий нутаг болох Баян-Өлгий аймаг маань Казах, Урианхай, Дөрвөд, Тува ахан дүүсээрээ өргөн дэлгэр тэмдэглэдгээрээ онцлогтой юм. Монголын Казахууд дэлхийн Казахууд дотроос үндэсний хэл, соёл, зан заншлаа хамгийн сайнаар өвлөн хадгалж байгааг Дэлхийн Казахуудын холбооноос албан ёсоор тэмдэглэсэн байдаг. Та бүхэн домборын уянгат аялгуу, мөнх хөх тэнгэрт дүүлэн нисэх бүргэдийн хийморь дор Наурыз баяраараа айл саахалт, ахмад буурлуудаа хүндэтгэн золгож, элгээрээ энх амар, төрлөөрөө түвшин амгалан, сайхан баярлаарай.

ҰЛЫСТЫҢ ҰЛЫ КҮНІ НАУРЫЗ МЕЙРАМЫ ҚҰТТЫ БОЛСЫН!

Хүндэтгэсэн,
УЛСЫН ИХ ХУРЛЫН ГИШҮҮН ХАЖЕКБЕРИЙН ЖАНГАБЫЛ