УИХ-ын Аюулгүй байдал, гадаад бодлогын байнгын хорооны /2025.03.26/-ны өдрийн хуралдаанаар Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон Бүгд Найрамдах Хятад Ард Улсын Засгийн газар хоорондын хэлэлцээрийг соёрхон батлах тухай хуулийн төслийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Х.Жангабыл:

Бид бүтээн байгуулалтын ажлаа яаралтай хийж, нүүрсээ борлуулах шаардлагатай байна.Гэрээний хэлэлцээрийг хэзээнээс дагаж мөрдөх вэ. Энэ хэлэлцээрийг дагаж, хууль тогтоомжид өөрчлөлт орох уу. Үнийн хувьд яах вэ? Одоо хүчин төгөлдөр мөрдөгдөж буй Уул уурхайн бүтээгдэхүүний биржийн тухай хуулийн 10.4-т заасны дагуу гэрээ хэлэлцээрийг батлахдаа тухайн бүтээгдэхүүний биржийн арилжааны дундаж үнийг баримтална гэж заасан байдаг. Гэхдээ энэ хэлэлцээрийг нарийн судалсан, ойлгомжгүй зүйлүүд байна. Үүн дээр тайлбар өгнө үү.

Түүний асуултад Аж үйлдвэр, эрдэс баялгийн сайд Ц.Туваан хариуллаа.

Сэтгүүлч

Сэтгүүлч Ц.Соёлмаа soyolmaa@vip76.mn