УИХ-ын чуулганы /2025.03.27/-ны өдрийн хуралдаанаар Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон Бүгд Найрамдах Хятад Ард Улсын Засгийн газар хоорондын хэлэлцээрийг соёрхон батлах тухай хуулийн төслийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Ж.Бат-Эрдэнэ:

Энэ гэрээний түүх ярвал олон зүйл яригдана.Хэдийгээр цаг хугацаан хойшлогдоод орж ирж байгаа ч зүйлшгүй хийх хэрэгтэй. Гэрээнд нүүрсний хэмжээг заагаад орж ирэх боломж байгаагүй юу. Засгийн газрын хооронд хэдэн сая тонн нүүрсийг ямар хугацаанд зарах вэ. Цаг хугацаагаар хэмжигдэж байгаа юу, эсвэл жилээрээ хэмжигдэх үү. Хэдэн жил үргэлжлэх вэ, энэ зүйл тодорхой орж ирэхгүй байна. УИХ дээр маш тодорхой орж ирэх ёстой. Манайх 20-25 сая тонн нүүрс гаргах хэмжээ заасан байна. Хэрвээ 20 сая тонн нүүрсээ гаргачихвал хувийн хэвшилд боломж олдох уу? Яг тодорхой тоо, тооцоолол хэрэгтэй байна. Уул уурхайн биржийн тухай хуулийн ажлын хэсгийг миний бие ахалж ажилласан. Энэ хууль дээр яг ямар асуудал тодорхойгүй байна вэ. Ямар өөрчлөлт хийх гэж байна. Цаашдаа биржийн асуудал дээр хэрхэн анхаарч ажиллах вэ?

Түүний асуултад Аж үйлдвэр, эрдэс баялгийн сайд Ц.Туваан, Зам тээврийн сайд Б.Дэлгэрсайхан хариуллаа.

Сэтгүүлч

Сэтгүүлч Ц.Соёлмаа soyolmaa@vip76.mn